影片
更多
2024-10-28
212 瀏覽
如果鍾意食海南雞，一定會聽過「栢檔」呢個名字，因為品牌始創於2005年，可以話係香港海南雞飯嘅「元祖級」代表。今日去荔枝角探朋友， 佢帶咗我嚟「栢檔」食午飯，之前喺九龍灣幫襯過，原來 D2 Place 都有分店。餐廳主打海南雞，另外亦有滷水元蹄、肉骨茶、香煎肉餅、滷燒豬頸肉等供應。點了一個二人餐，套餐包半隻海南雞 同 一客主菜 (選了香煎肉餅)，另外仲有小食、無味精靚湯、翠綠時蔬及雞油香飯 2 碗。小雲耳細細碟，入口麻麻香香，用嚟過下口癮都唔錯。海南雞選用麻黃雞，以香茅、生薑等香料浸過，肉質超嫩滑，甚至連雞皮都好爽口，無論蘸點帶甜味嘅黑豉油或自家製嘅辣椒醬吃，都一樣咁滋味。米飯用雞油及香料煮過，每粒飯都沾滿油光，入口粒粒分明、芳香撲鼻。附送嘅靚湯，用料十足，內有紅蘿蔔、南瓜、粟米和豬骨等，湯水味道好清甜，飲得出無落味精。香煎肉餅亦很有驚喜，入口酥脆甘香，用來送飯吃一流！是日時蔬為蠔油唐生菜，食完咁多肉，食番碟菜平衡下，真係唔錯。
如果鍾意食海南雞，一定會聽過「栢檔」呢個名字，因為品牌始創於2005年，可以話係香港海南雞飯嘅「元祖級」代表。
今日去荔枝角探朋友， 佢帶咗我嚟「栢檔」食午飯，之前喺九龍灣幫襯過，原來 D2 Place 都有分店。
餐廳主打海南雞，另外亦有滷水元蹄、肉骨茶、香煎肉餅、滷燒豬頸肉等供應。
點了一個二人餐，套餐包半隻海南雞 同 一客主菜 (選了香煎肉餅)，另外仲有小食、無味精靚湯、翠綠時蔬及雞油香飯 2 碗。
小雲耳細細碟，入口麻麻香香，用嚟過下口癮都唔錯。
海南雞選用麻黃雞，以香茅、生薑等香料浸過，肉質超嫩滑，甚至連雞皮都好爽口，無論蘸點帶甜味嘅黑豉油或自家製嘅辣椒醬吃，都一樣咁滋味。
米飯用雞油及香料煮過，每粒飯都沾滿油光，入口粒粒分明、芳香撲鼻。
附送嘅靚湯，用料十足，內有紅蘿蔔、南瓜、粟米和豬骨等，湯水味道好清甜，飲得出無落味精。
香煎肉餅亦很有驚喜，入口酥脆甘香，用來送飯吃一流！是日時蔬為蠔油唐生菜，食完咁多肉，食番碟菜平衡下，真係唔錯。
張貼
