影片
更多
2022-11-01
37 瀏覽
今日去天后食鐵板燒， 餐廳喺5月開張，之前試過book都好full，今晚終於食到。同friend兩個人叫做咗一個set，$1,680 per person前菜先黎一個日式漬菠菜同埋安康魚肝， 魚肝極厚身， 食落又好濃嘅香味， 口感綿密， 為今餐鐵板燒開咗一個好頭。我揀咗時令刺身三客， 分別有鮮貝， 拖羅， 深海池魚， 十分之 新鮮， 亦都好厚切， 溶雪溶得好好， 所以口感一流。 朋友嘅係壽司三客， 金目鯛同埋龍利魚柳都好好味。北海道生蠔， 今晚最出色嘅就係呢隻生蠔非常之飽滿亦都好有海味， 加上佢柚子啫喱， 能夠釣起海鮮嘅甜味十分開胃。第一味鐵板燒就係海蜇蝦， 調味十分出色。牛油香草燒元貝配三文魚子，三文魚子係自家製比一般出面食到嘅冇咁鹹但鮮味十足， 個汁十分支香接元貝亦都燒到啱啱熟，入口彈牙。食鐵板燒點少得鵝肝， 鵝肝煎得香脆，但內裏仍然有肉汁同好鮮嫩， 配上脆口嘅多士，同埋酸甜嘅醬汁調味，正。另外佢嘅和牛牛舌都十分出色， 食得出嚟貨唔錯 ，師傅手勢都好好煎到啱啱熟。肉類方面我哋試咗一豬一牛， 我哋覺得反而豬肉比牛肉更加出色， 厚身嫩口得黎完全冇豬騷味。黑松露蟹肉炒飯十分香口， 師傅炒
同friend兩個人叫做咗一個set，$1,680 per person
前菜先黎一個日式漬菠菜同埋安康魚肝， 魚肝極厚身， 食落又好濃嘅香味， 口感綿密， 為今餐鐵板燒開咗一個好頭。
我揀咗時令刺身三客， 分別有鮮貝， 拖羅， 深海池魚， 十分之 新鮮， 亦都好厚切， 溶雪溶得好好， 所以口感一流。 朋友嘅係壽司三客， 金目鯛同埋龍利魚柳都好好味。
北海道生蠔， 今晚最出色嘅就係呢隻生蠔非常之飽滿亦都好有海味， 加上佢柚子啫喱， 能夠釣起海鮮嘅甜味十分開胃。
第一味鐵板燒就係海蜇蝦， 調味十分出色。
牛油香草燒元貝配三文魚子，三文魚子係自家製比一般出面食到嘅冇咁鹹但鮮味十足， 個汁十分支香接元貝亦都燒到啱啱熟，入口彈牙。
食鐵板燒點少得鵝肝， 鵝肝煎得香脆，但內裏仍然有肉汁同好鮮嫩， 配上脆口嘅多士，同埋酸甜嘅醬汁調味，正。
另外佢嘅和牛牛舌都十分出色， 食得出嚟貨唔錯 ，師傅手勢都好好煎到啱啱熟。
肉類方面我哋試咗一豬一牛， 我哋覺得反而豬肉比牛肉更加出色， 厚身嫩口得黎完全冇豬騷味。
黑松露蟹肉炒飯十分香口， 師傅炒到粒粒分明，松露亦唔係普通嘅松露醬食得出係新鮮黑松露磨出嚟。
店員畀我哋試埋佢哋自家釀製嘅梅酒， 有別於一般嘅梅酒係用吟釀米酒釀出嚟， 佢哋嘅係用高粱， 比一般梅酒更濃， 亦唔會太甜。
甜品有日本芝麻雪糕同埋柚子雪葩。
你間餐廳除咗環境一流有海景同露台， 服務質素亦都非常之好 ，店員同鐵板師傅全部都好親切， 食物質素亦都好出色， 推介大家過嚟試一試。
張貼
