羲和雅苑

營業中

休息中

金沙魷魚：香脆可口蛋黃味濃，魷魚好大件好有咬口。啖啖都係邪惡既味道荷葉飯：飯粒乾身而分明，荷葉味香濃撲鼻。熱騰騰上碟，更顯荷葉香，緊係要拿拿淋趴兩啖先啦。味道均衡，唔會太咸，份量都好足。海鮮泡飯：湯底鮮味，蝦湯既精華所在，泡飯跟埋脆米上，增加泡飯既口感同層次，確實唔錯，而泡飯都比較易入口，鍾意清清地既不妨試下。總結：餐廳對住無敵大海景享用佳餚特別開胃有食慾，食物質素亦唔錯，服務員照顧周到，主動斟茶加水，確實係促膝詳談同relax既好地方。