川之源

營業中

休息中

上環一帶其實有不少正宗川菜，但絕對需要做功課先搵到，因為佢地通常係樓上舖，唔容易發現，但如果搵到一間高質素嘅，絕對係會滿足感爆燈，今次介紹西營盤寶豐大廈1樓嘅川之源。1. 酸菜魚：份量驚人，大大份之餘，仲要有大量魚肉，選用龍脷柳製作，肉質白滑鮮嫩，每一啖都係魚肉嘅感覺真係酸菜魚先做到，不得不提係個湯頭真係好正，濃郁，酸味適中，辣度過癮，仲可以自選大、中、小、BB辣，一定滿足到唔同人嘅需要。2. 炒油麥菜：都係大大份嘅一碟，油麥菜新鮮嫩口，唔過火所以入口仍然爽脆，係高質家常菜嘅水平。3. 老干媽炒飯：香港唔多地方有得食老干媽美食，我認為老干媽配搭炒飯就係最完美搭配了，香味互相輝映，廚師炒功一流，成品惹味可口，米飯粒粒分明。推介！川之源位於1樓，環境仲有好高間隔，私隱度極高，食物質素又高，係靜靜地歎下正嘢嘅好去處。