影片
更多
2024-03-08
83 瀏覽
位於旺角洗衣街的「旺角海鮮菜館」開業多年，真係一間臥虎藏龍嘅老牌海鮮店，之前完全冇留意，但原來一直人氣滿滿非常爆場，見到佢哋介紹多款海鮮餐非常抵食，有點像鯉魚門或者西貢嘅海鮮套餐，但係價錢真係相差一大截！套餐每樣海鮮用料新鮮，而且都是巨型版，非常足料，超有鑊氣，我哋點咗避風塘套餐，只係需要 $ 1188，食完之後你會覺得係超級超值，如此高質素，其他地方真係食隻蟹加兩隻元貝都唔止呢個價錢！🦀至尊二人（避風塘蟹）套餐 $ 1188▪️杏汁菜膽白肺湯 / 胡椒豬肚雞湯燉湯非常足料，而且味道濃郁，飲得出係原盅清燉，湯頭吸盡食材的味道👍🏻果然真係老牌飯店，坊間好少食到呢啲白灼嘅食物，食材新鮮，豬脷軟腍，韭菜花爽脆香甜，最緊要就係添加自製嘅醬油，沾上各種白灼食材，真係好美味，我最欣賞😋▪️白灼豬脷▪️白灼韭菜花▪️蒜蓉粉絲蒸日本元貝一上枱真係俾佢份量嚇親，從來冇食過咁大隻元貝，個殼仲大過我隻手掌，元貝肉更加巨型厚肉，而且蒸至剛剛熟，配上超大量嘅粉絲，蒜蓉香蔥和美味香甜嘅海鮮豉油，好鮮味超級好食▪️翡翠金沙蝦球超級邪惡充滿牛油香嘅鹹蛋黃醬，包住大大隻超級彈牙大蝦碌，炒得好有鑊氣 ，伴上清清地嘅西蘭花，可以中和
位於旺角洗衣街的「旺角海鮮菜館」開業多年，真係一間臥虎藏龍嘅老牌海鮮店，之前完全冇留意，但原來一直人氣滿滿非常爆場，見到佢哋介紹多款海鮮餐非常抵食，有點像鯉魚門或者西貢嘅海鮮套餐，但係價錢真係相差一大截！
套餐每樣海鮮用料新鮮，而且都是巨型版，非常足料，超有鑊氣，我哋點咗避風塘套餐，只係需要 $ 1188，食完之後你會覺得係超級超值，如此高質素，其他地方真係食隻蟹加兩隻元貝都唔止呢個價錢！
🦀至尊二人（避風塘蟹）套餐 $ 1188
▪️杏汁菜膽白肺湯 / 胡椒豬肚雞湯
燉湯非常足料，而且味道濃郁，飲得出係原盅清燉，湯頭吸盡食材的味道👍🏻
果然真係老牌飯店，坊間好少食到呢啲白灼嘅食物，食材新鮮，豬脷軟腍，韭菜花爽脆香甜，最緊要就係添加自製嘅醬油，沾上各種白灼食材，真係好美味，我最欣賞😋
▪️白灼豬脷
▪️白灼韭菜花
▪️蒜蓉粉絲蒸日本元貝
一上枱真係俾佢份量嚇親，從來冇食過咁大隻元貝，個殼仲大過我隻手掌，元貝肉更加巨型厚肉，而且蒸至剛剛熟，配上超大量嘅粉絲，蒜蓉香蔥和美味香甜嘅海鮮豉油，好鮮味超級好食
▪️翡翠金沙蝦球
超級邪惡充滿牛油香嘅鹹蛋黃醬，包住大大隻超級彈牙大蝦碌，炒得好有鑊氣 ，伴上清清地嘅西蘭花，可以中和油膩感
▪️豉汁蒸大連鮑
鮑魚一樣係好大隻，用果皮和豆豉清蒸後，再放上香蔥、豉油滾油，最傳統的做法，鮑魚入口超有彈性和果皮的味道真係絕配
▪️豉汁炒靚蜆
蒜頭豆豉爆炒完，蜆肉非常惹味，配上青椒、洋蔥等材料，好味得一口接一口
▪️薑蔥陳村粉炒蟹
主角出場，大肉蟹超巨型大隻 ，大廚毫不吝嗇，放上超多香蔥、薑片和炸蒜頭粒爆炒，淨係聞到香味已經知道超有鑊氣，蟹鉗和蟹身全部啖啖肉好入味，越食越滋味，底部嘅陳村粉吸盡所有蟹嘅精華，真係非常美味
▪️最尾餐廳奉上自家製嘅雪耳燉雪梨糖水，清潤又清甜，完美的一餐海鮮盛宴
張貼
