御膳

營業中

休息中

同屋企兩老去食飯，來來去去都係去酒樓食。今次試新野，第一次同屋企人去食私房菜😋大部份嘅餸菜都係以人頭計，我覺得餐廳最貼心嘅係無論幾多個人，都有相應人數嘅套餐，今次我哋五個人去佢就有好多五人嘅餐牌俾我哋揀。香芒沙律大蝦球🌟前菜沙律雖然加咗沙律醬，等啲水果好新鮮亦都好清甜。加埋隻大蝦真係好開胃。砂鍋大魚頭豆腐湯🌟望落個湯就知佢好足料，鮮得黎唔會好腥。富貴金龍🌟新鮮炸起真係好好食😋😋睇得又食得，色香味俱全！薑沖炒大肉蟹🌟蒜蓉粉絲蒸蟶子皇🌟兩款海鮮都大大舊，又新鮮，蟶子下面嘅蒜蓉粉絲入哂味🤤大蜆燉蛋🌟雞蛋燉得夠滑👍士多啤梨骨🌟金華玉樹雞半只🌟平時嫌棄雞皮肥嘅女士， 美味嘅雞皮可以一試，雞皮唔會有好厚嘅肥膏痴住，食落都唔會好油膩。上湯浸時菜🌟蟹油銀芽炒面🌟呢味炒麵真係不得了。人哋平時最後上嘅炒粉麵飯只係為咗填飽個肚，但呢個入晒味嘅蟹油炒麵係個肚食到好飽都好想食晒佢！越食越滋味！最後仲有甜品布丁🌟雖然每碟餸睇落去都唔係好大碟，但食到一半嘅時候已經覺得好飽😂一定唔會驚唔夠食！你最緊要嘅係，家中兩老食完呢餐覺得好滿足好開心。以後除咗去傳統酒樓仲多左一個好選擇😎