好燒式串燒專門店 (大南街)

營業中

休息中

星期日和朋友去太子食宵夜，餐廳就在睿景酒店前，附近有中港旅遊巴士站，開到凌晨兩點，店面雖然不大，但食燒烤好出名，當晚都有好多客人。鹽燒馬友，都幾大條，燒得好靚，外皮香脆，肉質軟滑多汁，加上店家的醬汁更惹味。墨西哥薄餅芝士雞肉，外貌吸引，餅皮好酥脆，芝士和雞肉好夾，口感非常好，值得試試。牛肉露筍卷，薄切牛肉捲著露筍，油香滿滿，配合露筍的爽脆，口感好好，油而不膩。燒魷魚鬚都好好味，不會乾，彈牙鮮香。海鮮荷葉飯，都幾大份，打開荷葉，陣陣香氣冒出，飯粒分明，帶有清香的荷葉味。燒原條魷魚筒，見到都即刻想食，好吸引，肉爽彈，香噴噴，都幾大條，最重要的是不會乾柴。燒日本年糕，比想像中好食，外皮燒得微脆，裏面香糯，口感好特別。黑松露蝦多士，好靚仔，多士酥脆，有淡淡黑松露香味，上面的蝦滑彈牙可口，口感一流 ，必試之品。