樂記煲仔飯粥麵專家

營業中

休息中

以前係排晒隊嘅陳漢記，而家轉咗手叫樂記今次試咗兩款煲仔飯同一道白灼菜白灼牛柏葉鵝腸：呢個菜雖然係比較清淡，牛柏葉嘅質感處理得幾好，爽爽地，但鵝腸既味道就比較淡。豉油都幾提味，本身自己都係鍾意食牛柏葉同鵝腸，所以都唔錯白鱔雞飯呢個絕對係今日嘅亮點！雞肉滑溜溜，白鱔鮮味十足，兩樣夾埋一齊好夾。啲飯吸晒雞肉同白鱔嘅魚油精華，香噴噴，飯焦又脆口，食完仲想再食。臘味排骨煲仔飯臘味好香，排骨都幾入味，不過同滑雞白鱔煲仔飯比，呢個層次感就冇咁豐富。啲飯都吸咗臘味同排骨嘅味，唔鍾意食魚嘅人就可以叫呢款總括嚟講，滑雞白鱔煲仔飯最正，臘味排骨煲仔飯都唔錯，如果想試吓有魚油嘅味，白鱔煲仔飯絕對係首選。