樂記煲仔飯粥麵專家

營業中

休息中

兒時嘅風味，可謂買少見少🫠 呢日誤打誤撞過到嚟大埔墟，竟然發現「陳漢記2.0」翻生，仲改埋名變咗做「樂記」😅 一場嚟到，就試吓「樂記師傅」嘅手勢😉除咗招牌轉左名，舖裡舖外嘅裝修幾乎一模一樣😉 嚟得幫襯梗係要試吓佢哋馳名嘅 #煲仔飯 🍚 落單唔夠5分鐘，我哋要嘅 #鳳爪排骨煲仔飯煲仔，同埋 #鹹魚肉餅煲仔飯 已經嚟到我哋面前🤤 熱辣辣嘅煲仔飯灑上甜豉油特別香口，配料嘅豐富度更勝前身，滿滿嘅排骨同鳳爪鋪滿飯面，油香同飯粒夾雜，味道都唔錯🤤 不過我就比較喜歡鹹魚肉餅嘅口味，貪鹹魚味道夠香口，襯埋肉餅一齊入口，認真一流🤤🤤另外我哋仲叫咗 #蜆蚧鯪魚球、#叉燒腸 做主食，鯪魚球夠晒酥香又爽彈，不過點解六粒鯪魚球只係分得一粒 #蜆蚧 我哋做醬料😅 好在鯪魚肉本身夠晒味道，「五餅二魚」配搭還可以😉 不過碟 #叉燒腸 就認真迷你，同前身比，整個口味爭咗啲囉😅 之後我哋再加咗個 #艇仔粥，粥底好綿滑，味道都唔錯🤤 不過可惜新年期間炸豬扒飯冇得供應，我哋只好跟阿姐嘅提議，改成 #炸雞髀併太陽蛋飯 😅 熱辣辣嘅生炸雞髀本身都幾好食，但係肉質就乾身咗啲，不過加埋「中學回憶」嘅螢光茄汁撈埋啲飯一齊食，又幾有風味

以前係排晒隊嘅陳漢記，而家轉咗手叫樂記今次試咗兩款煲仔飯同一道白灼菜白灼牛柏葉鵝腸：呢個菜雖然係比較清淡，牛柏葉嘅質感處理得幾好，爽爽地，但鵝腸既味道就比較淡。豉油都幾提味，本身自己都係鍾意食牛柏葉同鵝腸，所以都唔錯白鱔雞飯呢個絕對係今日嘅亮點！雞肉滑溜溜，白鱔鮮味十足，兩樣夾埋一齊好夾。啲飯吸晒雞肉同白鱔嘅魚油精華，香噴噴，飯焦又脆口，食完仲想再食。臘味排骨煲仔飯臘味好香，排骨都幾入味，不過同滑雞白鱔煲仔飯比，呢個層次感就冇咁豐富。啲飯都吸咗臘味同排骨嘅味，唔鍾意食魚嘅人就可以叫呢款總括嚟講，滑雞白鱔煲仔飯最正，臘味排骨煲仔飯都唔錯，如果想試吓有魚油嘅味，白鱔煲仔飯絕對係首選。

天氣凍就係食煲仔飯嘅時間，今日幫襯咗呢一間位於大埔出名食煲仔飯嘅舖頭，整體覺得都滿意嘅。叫咗個黃鱔煲仔飯加潤腸，黃鱔畀想像中多而且都幾大舊，加咗潤腸明顯係好食啲，可能係潤腸啲油會滲埋落去啲飯度啦，侍應拎到嚟嘅時候都熱辣辣嘅，出曬煙咁樣，不過一揭開其實係有少少擔心，因為個煲仔飯畀預期之中係比較多水份比較濕，咁嘅情況好大機會冇飯焦。不過好彩食到尾佢好神奇地唔知點解啲水份好似收乾咗咁樣，刮到啲飯焦出嚟而且都幾大塊，又香又脆又唔會太燶。

黎到呢間曾經係大埔名物嘅食店雖然已經係下午茶時間，不過因為我仲未食飯，所以我就叫咗個咖哩牛腩飯，而我個Friend就叫咗D小食食。作為一家有粉麵賣嘅舖頭，賣埋牛腩飯其實都係好正常嘅。佢份牛腩都算多，不過比較瘦比較un，有部份牛腩要花少少氣力先咬得開，反而D牛筋幾正。小食先叫咗碟豬潤腸粉，呢個係咁多樣野之中最好食嘅一樣，D豬潤都幾新鮮，腸粉都滑。貪得意叫咗個炸鮮奶，味道只屬於一般，一碟有6條係比想像之中多嘅。最後仲叫咗碟腐乳通菜。

從前這裏是已煲仔飯聞名於世的餐廳，可惜轉手之後今非昔比，今天再嚐煲仔飯，失望而回。點的是經典臘味雞煲仔飯和黃鱔田雞煲仔飯加潤腸，兩個煲仔飯不算很大煲，最敗筆的地方就是飯比較濕，吃不到煲仔飯應有的香味，幸好餸比較多，否則很難吃掉整個煲仔飯，另外雖然飯不夠乾身，但竟然也有飯焦，算是有驚喜吧。臘味雞煲仔飯的雞肉、潤腸和臘肉質素算不錯，可惜臘腸比較肥。黃鱔田雞煲仔飯的黃鱔數量亦算多，加九元的潤腸竟然有兩條，有驚喜。

又到左食煲仔飯既時節⛄️❄️前排見有人提及樂記煲仔飯，呢日去大埔就即管試下，夜晚都要排大半個鐘，對比西環或者荃灣幾間算快，可惜質素直接被比下去😂▪️ 白鱔排骨煲仔飯 （6/10）💲88一向偏好肥美白鱔，但係呢度既切得好薄身，口感差咁啲，但都要小心有頗多細骨，入口亦有點兒腥，而排骨就骨比肉多😮‍💨感覺飯底比較濕，同埋無咩飯焦👉🏻👈🏻▪️ 窩蛋牛肉煲仔飯 （6.5/10）💲62面頭有隻生雞蛋，加上份量適中既牛肉片，稱唔上好嫩滑，但係都唔會鞋韌🐮個飯底同樣唔夠入味，但起碼呢兜相比下乾身少少，底部亦有啲香脆飯焦🍚▪️ 炸鮮奶 （7/10）💲39 (6件)即炸上檯熱辣辣，炸漿雖然略厚，但外皮都夠脆口，內裡係類似奶凍，奶香唔錯🥛🔎 整體評分（6.5/10）

餐廳前身係陳漢記，聽講只係賣咗名，班底不變，見天氣凍凍地就去食煲仔飯。當日叫咗腐乳通菜，豬潤腸粉，白鱔排骨煲仔飯，咸蛋肉餅加窩蛋煲仔飯。先講服務，待應們確係好忙，但態度正常，茶記服務嚟講，我覺得可接受。坐位方面確係幾迫，人貼人要搭枱，唔中意搭枱嘅就要注意。食物方面：腐乳通菜，呢個時蔬依家好多粉麵店都無得食，可能因為通菜成本比其他菜高。樂記算幾大方，俾得大大碟好味指數：豬潤腸粉， 佢嘅腸粉皮係薄嘅，可惜上枱碟野係凍嘅，豬潤蒸得岩岩好，無過熟嚡口，可惜切得太細粒無曬口感。同以前陳漢記比高下立見。好味指數：煲仔飯， 一直覺得煲仔飯好唔好食係好個人，有d 人中意乾身有飯焦，有d 人中意偏濕。我自己就中意前者。樂記嘅煲仔飯係偏濕口感，有飯焦但唔多亦唔夠焦香。排骨骨多過肉，白鱔算大件，大概有五件。但等候時間有d 長，當日等左大約40分鐘。好味指數：整體嚟講，無需要特登去大埔食。但如果係街坊的話，當佢一般茶記就一試無妨。

簡單而言 煲仔飯十分濕 不乾身 雖然職員將我的煲仔飯拎去翻煲 但最後飯全煲煲到林晒 好似糊仔一樣 真心唔明白點解仲有人會讚或者排隊食 明白煲仔飯處理不容易 但我不會再光顧煲仔飯

Chef Ecy’s Dining Experience:🥰 Food | Price | Easy Parking | Wheelchair | Easy Access🙂 😠 Pet Friendly | Cake Cutting Fee | Corkage Fee | Service | Ambience | Restroom CleanlinessThis restaurant is located in Hong Kong Tai Po area. There is always a long queue outside this restaurant. They serve different kinds of Claypot rice 煲仔飯. It opens long hours late until 4am in the morning. Nearby there are many public parking area but many cars parked illegally too. It is close to the MTR station T

点了黃鱔腊腸煲仔飯，辣魚皮，白灼豬潤，真心覺得全部都係水準以下。煲仔飯比起西環坤記差太遠，豬潤比起羅富記低兩班，辣魚皮冇乜好比。一句話，全部都冇乜味道。不過員工態度幾好嘅，地方又大，感覺都坐得算舒服，始終味道不算好，不太會再光顧。

Order咗煲仔飯，等咗一個鐘，去追單，答你一句：淨喺得你等咩！其他人都喺度等緊啦！態度惡劣，只顧做外賣，堂食無限等，其他堂食客怨聲載道，當睇唔到聽唔到! 見到個煲仔飯，食落去無味又普通過唔普通，一粥麵比佢好好多！咁差嘅茶記，簡直影衰大埔餐廳！

有晚凌晨一兩點去咗食飯，叫左臘味煲仔飯、及第粥和四寶河粉，前兩者都不錯👍🏻👍🏻，煲仔飯更加一絕。但最後的四寶魚蛋真係嚇死人，啲魚蛋咬落去腍滋滋完全冇魚味，完全冇咬口，似一粒白色嘅啫喱🤢🤢，墨魚丸都一樣無味又冇咬口，仲要少少腥🤮🤮，貢丸及魚皮餃都係麻麻哋，反差極大。

唔熟悉呢區，肚餓要搵嘢食，行返車站嘅途中見到呢間餐廳，有粉麵食，咁我想簡簡單單食啲嘢填吓肚，咁呢間啱啦，於是就入咗去開餐🤣呢度有「粉麵套餐」，咁叫咗 $49「牛腩麵（改撈伊麵加 $12）」，加 $18「油菜」，再加 $5「熱奶茶」；另外再叫咗一碟 $25「炸両腸粉」🤣「牛腩撈伊麵」：牛腩煮得幾軟熟，伊麵有少少煙韌🤣「油菜」係「腐乳通菜」，簡簡單單🤣「炸両腸粉」：香港地道食品🤣「熱奶茶」：要咗多奶，夠晒大杯🤣

大埔人一定聽過/食過呢間舊舖陳漢記😏冇黎一排 發現唔同左名😂 店外裝修招牌都唔同左！唯一不變係依然陳漢記原班人馬主理～1️⃣白鱔黃鱔煲仔飯 $105最愛煲仔飯😆😆白鱔黃鱔兩樣有晒😍都算幾generous 每款都有五舊魚肉😋熱啦啦上桌 淋完豉油焗一焗 飯焦都起左😛2️⃣黃鱔牛肉煲仔飯 $79呢款有得揀配牛肉或者肉片🥩我地直覺揀左呢款 結果係好大塊既牛肉！好滑又好食！黃鱔係起晒骨👍🏻3️⃣炸兩腸粉 $25以前黎舊舖都係次次食炸兩🤤今次黎都覺得keep到水準！油炸鬼仲係熱同脆～腸粉皮夠薄夠滑🫰🏻

見到好多人話啲嘢唔好食，又話態度唔好，都十五十六諗緊去唔去食，🤔最後都係去嘗試吓，但係我又覺得冇評論區講嘅咁差，態度正正常常，到食物首先腸粉好通透，好好食，好滑，跟住叫咗個臘腸滑雞煲仔飯都好食，如果鍾意飯焦嘅話就可以焗耐少少，(佢門口有教煲仔飯食法)最後再試埋牛坑腩麵，啲牛腩真係炆得好腍，辣椒油又係靈魂😍佢嘅辣椒油真係好香，同埋叫咗一個白灼鵝腸，處理得好乾淨好爽脆，所以總括嚟講都會繼續幫襯😋