Thai Fire

同朋友gathering 去左食泰國餐廳～ 一入到門口,個氣氛就好舒服,佈置好正，混合少女粉紅色打卡cafe 同埋泰國元素,好有特色。餐廳好多唔同嘅泰國菜～ 我地叫左飲品斑蘭椰奶～ 靚靚嘅白色同綠色令杯飲品望落好好飲，飲落真係好特別,椰奶嘅香氣仲帶埋一啲清新嘅味道,同埋個質感都好綿密,每一口都好好飲！仲叫咗泰國火特飲～ 超級可愛嘅藍色熊仔冰塊坐左係飲品上！超級可愛！飲品係層次分明嘅藍色同埋粉紅色紅～溝埋之後就變咗靚靚嘅紫色啦我哋叫咗醬香蹄膀～ 個蹄膀好肥美,泰式做法燉到軟綿綿,仲有一啲咸香嘅醬汁，同一個拼盤上面仲有埋酸酸汁同埋酸辣汁，仲可以加埋辣椒同花生，配埋生菜同埋羅勒葉一齊食！真係非常惹味！朋友就點左青木瓜沙律，話想食啲清新嘅嘢～原來青木瓜嘅質感完全唔同於一般嘅青瓜,反而更爽脆一啲,加埋其他嘅材料同調味,整體口感好清新。另外,我們仲試咗另外一道泰火醬芥蘭苗，個芥蘭苗爽脆爽脆嘅,上面混合一啲微辣嘅泰式醬汁,簡直perfect!由於蹄膀份量好充足，所以我哋就叫菜配埋一齊食平衡油膩感～ 由於朋友生日，所以我哋叫左嘅彩虹甜品,彩甜品4件係七彩嘅斑斕椰汁糕！好睇又好食！打卡一流！