柴夫人魚館

營業中

休息中

星期五2個人去尖沙咀食晚餐，今晚突然想食酸菜魚，又想食中式火煱，終於俾我搵到呢間，2樣囉野可以一齊食，酸菜魚同時可以加餸落去做火煱，好特別。酸菜魚的魚片有2個選擇：「巴沙魚片」及「生魚片」，魚片好滑，完全無碎骨，完全無魚鯹味，口感好好。我揀左小辣湯底，味道香濃，唔會有太多麻籽粒粒，酸菜加上豆花，又有另一番風味。我仲加左鮮牛肉片、豬肉丸、秘製牛丸、娃娃菜、生菜。鮮牛肉好滑，而且林林地，好正。肉丸有小小爆漿，入面肉汁好鮮味。蔬菜都好新鮮，吸收左酸辣湯底好野味。另外加左2款炸物「黃金大餅」及「紅糖糍粑」，份量好足，意想不到的大碟，炸得好鬆脆，唔駛叫主食都夠晒飽肚。紅糖糍粑入面係蜜糖，可以當甜品食。勝價比高，會再來光顧。