壽喜・關西

營業中

休息中

係日本返咗嚟香港差唔多兩個月，好掛住日本嘅美食。今日落尖沙咀做嘢見到呢間関西壽喜燒。之前朋友有推介過，咁啱今日早放午飯嗱嗱臨上去試吓。兩個麻甩佬，叫咗一個赤身壽喜燒；另一個叫牛板腱壽喜燒。近排做嘢好辛苦，輕鬆吓叫咗個生啤。冰凍生啤Sapporo 都係$48 ，抵。壽喜燒套餐除咗肉之外；仲包埋菜，漬物，飯或烏冬；仲有甜品。服務員好細心講解點樣燒同點樣處理。溫馨軟語加埋啖啖肉一瞬間兩個麻甩佬已經啅晒。後來我哋追加多份赤身；飽到嘔，埋單連飲品都係$570。原來吾駛加一，抵到爆；下次一定再同女友黎試過。