唐人館 (置地廣場中庭)

營業中

休息中

最近唐人館跟「閩東壹魚」合作，推出多款黃花魚料理～爸爸睇報紙見到所以非常感興趣！我地一家人特意抽空到唐人館品嘗一下黃魚有幾好食！😎 平時好少機會食到黃魚（黃花魚），今次試左幾款黃魚菜式：私房鹹菜啫啫海釣小黃魚煲、大理諾鄧金腿海釣大王魚飯、海釣大黃魚海參包子，以及其他熱門菜式：自家製仁稔燒脆皮雪花牛肋肉、蜜餞山楂 一刀咕嚕肉、石榴厚切海蜇頭、黑糖黑椒黑毛豬、蒜香黃金明蝦球、流沙菠蘿包！每道菜都非常美味，食得出廚師用心調配既獨特醬汁及味道～其中大理諾鄧金腿海釣大王魚飯最令我印象深刻，黃花魚非常嫩滑，入口即化，加上金光火腿粒既二次提鮮，呢碗飯睇落去雖然平平無奇，但實質內有乾坤！黃花魚有著大海魚既口感，又有細魚既鮮味，碗飯無落豉油都已經提到佢嘅鮮味，怪唔知得以前聽人話上海黃花魚既價錢等於黃金價！黃花魚呢個crossover menu好似只係做幾個月就完了～大家如果喜歡食魚不妨去試一下😄👍🏻