影片
更多
2024-10-15
66 瀏覽
Happy Friday搵到呢間真正日本師傅坐陣嘅燒鳥店，居高臨下睇住尖沙咀嘅日落，都幾chill又浪漫，靜靜地傾計一流。點好菜，係時候欣賞下師傅嘅功架👀👅牛舌厚切嘅牛舌一咬落去真係不得了，油香爆發喺成個口腔，作為打頭陣的確有種驚艷嘅感覺。🥢牛腸朋友好想試嘅部位，燒過嘅牛腸煙煙韌韌，醬燒唔會太乾身，坊間嘅串燒店都少見，好奇寶寶一定要叫黎試試。🥩和牛肉眼由和牛沙朗升級為肉眼，肉質更為鮮嫩，有種一口溶化嘅感覺，食得出係靚嘅食材😋豚肉紫蘇葉卷$36 食咗咁多牛都想試下豚肉，加上紫蘇葉嘅做法令串燒帶獨特嘅香氣，又無咁油膩，唔錯！🦴雞胸軟骨以為雞胸嘅位置會好嚡口？咁諗法就錯了，雞胸呢塊軟骨燒得爽爽脆脆，連住雞胸肉食到特別嘅層次感，值得encore。🍗炭燒九州走地雞髀肉$90 走地雞髀肉係原塊燒好，再切成一口size供食用，十分貼心，先唧上檸檬汁，再伴埋wasabi同葱花同食，有種小清新嘅感覺！🍢關東煮：牛蒡魚餅$18、厚燒玉子 $20繼續係清清味蕾嘅關東煮，大愛燒玉子軟軟彈彈又帶點甜味，牛蒡魚餅中間嘅牛蒡咬落去有啲層次感。🐓免治雞肉軟骨棒 $38、🐖豚肉溫泉溏心蛋$50店家十分推薦既兩款串燒co
👅牛舌
厚切嘅牛舌一咬落去真係不得了，油香爆發喺成個口腔，作為打頭陣的確有種驚艷嘅感覺。
🥢牛腸
朋友好想試嘅部位，燒過嘅牛腸煙煙韌韌，醬燒唔會太乾身，坊間嘅串燒店都少見，好奇寶寶一定要叫黎試試。
🥩和牛肉眼
由和牛沙朗升級為肉眼，肉質更為鮮嫩，有種一口溶化嘅感覺，食得出係靚嘅食材😋
豚肉紫蘇葉卷$36
食咗咁多牛都想試下豚肉，加上紫蘇葉嘅做法令串燒帶獨特嘅香氣，又無咁油膩，唔錯！
🦴雞胸軟骨
以為雞胸嘅位置會好嚡口？咁諗法就錯了，雞胸呢塊軟骨燒得爽爽脆脆，連住雞胸肉食到特別嘅層次感，值得encore。
🍗炭燒九州走地雞髀肉$90
走地雞髀肉係原塊燒好，再切成一口size供食用，十分貼心，先唧上檸檬汁，再伴埋wasabi同葱花同食，有種小清新嘅感覺！
🍢關東煮：牛蒡魚餅$18、厚燒玉子 $20
繼續係清清味蕾嘅關東煮，大愛燒玉子軟軟彈彈又帶點甜味，牛蒡魚餅中間嘅牛蒡咬落去有啲層次感。
🐓免治雞肉軟骨棒 $38、🐖豚肉溫泉溏心蛋$50
店家十分推薦既兩款串燒combo，豚肉卷配上坊間少見嘅溫泉溏心蛋，十分考師傅對火候嘅控制，切開蛋剛剛好仲有蛋汁流出。呢個時候，自帶甜味醬汁免治雞肉軟骨棒就可以同蛋汁混合一齊享用，好有壽喜燒嘅感覺！
🍲日本產有機香茜黑豚鍋$120
芫茜黨一定唔可以錯過呢個鍋，滿滿嘅芫茜充滿獨特嘅香氣，仲有唔少黑豚肉同各式野菌，係串燒以外嘅不錯選擇。
🍘特製燒飯糰
食完咁多肉類嘅肉食獸，唔可以少得澱粉質嘅補充，剛剛燒好嘅飯糰十分熱辣辣，日式燒汁嘅甜味加上脆卜卜嘅紫菜，肚仔真係滿足晒！
張貼
