泰太廚房

營業中

休息中

今日試下呢間泰國菜真係好有驚喜，餐牌豐富，我地得兩個人食得唔多，叫左個生蝦刺身，豪華冬蔭爐魚片，一個清湯豬手煲，呢兩款我係其他泰國菜館都無見過。先講生蝦刺身，個名叫新鮮，問經理佢話全部新鮮貨，食得出爽口彈牙，非常新鮮，透明蝦身，點埋個綠色酸辣汁，實在好似泰國無緊！豪華冬蔭爐魚片：湯惹味酸辣，湯撈飯都一流，魚片無骨，份量多。清湯豬手煲，未試過，成隻豬手煲都係啖啖肉，索哂湯汁惹味非常，我地兩個麻甩佬食到超飽，份量足夠，味道近似泰國，會有下次。