泰太廚房

營業中

休息中

好耐冇食泰菜，上網search呢間位於大尾篤嘅泰國菜館「泰太廚房」好評如潮，一於試下！ 環境夠chill，服務員有禮熱情，非常親切！Menu食物款式多，遠道而來，當然order啲極具特色嘅美食啦！ 燈燈燈凳！打頭炮嘅美食「泰太竹炭麵包咖哩焗軟殼蟹」。嘩！不得了，這除了是一道美饌，也可以是一件藝術品！造型精緻特別，盡顯廚師用心製作。竹炭麵包挖空盛載濃郁咖喱醬汁，主角軟殼蟹炸得酥脆，沾上咖喱後仍保持鬆化口感，蟹肉鮮美與醬汁交融，麵包吸盡咖喱精華，撕下蘸食層次豐富。創意十足，將泰國風味跟烘焙巧妙融合，視覺跟味覺雙重享受！創意fusion菜，超驚喜之選！ 嘩嘩嘩...隆重登場，第二道美饌餐廳新品「冬蔭海鮮雜錦媽媽麵魚麵鍋」，酸辣醒神嘅冬蔭功湯底充滿層次，香茅配料加檸檬葉清香撲鼻。海鮮料足且新鮮——大蝦彈牙、蜆肉飽滿、魷魚爽脆，還用上蟹肉、扎肉、魚餅、脆腩肉等食材入饌，搭配雜菇和青檸更添清甜。湯頭濃郁，鍋麵特別之處加入了彈口美味嘅魚麵同媽媽麵，吸盡精華，滋味十足，富有特色，用心製作。整體份量充足、風味正宗，適合愛泰味的老饕，美饌必食首選！泰...特....別！泰...好....味！

同啲舊同學去行山之前入大尾督食個晏先。呢個同學話成日食前邊嗰幾間，我就book mark咗呢間未試過，就不如去試吓。呢日超好天，所以我哋坐喺室外同埋唔算好熱有少少微風有少少真係好似去咗泰國度假嘅感覺。晏晝剩係得兩枱客我哋同埋另外一柗外國人，真係有啲誇張。早餐都未食，實在有啲肚餓，未齊人已經嗌定嘢食。先嗌咗個辣肉碎沙律，一碟金邊粉同埋一個蟹肉農夫包。辣肉碎基本唔會輸，呢間都好好食唔會太乾亦都唔會太濕，不過生菜份量就比較少啲唔夠包。金邊粉其實好蝦人炒，但呢度唔會炒到一pat pat，同埋落咗啲羅望子醬酸酸地幾好食。個農夫包原個上，上菜嘅時候先至切開，裏面流啲咖喱出嚟沾埋個包勁好食，個包面又脆卜卜好似脆豬咁。不過應該係將個餡雪到冰再包麵粉焗，唔埋佢自家製定係來貨都整得好食，唯獨係啲蟹肉食落去唔多。之後到齊人再加咗個蠔餅同埋鹹蛋黃炒魷魚，個蠔餅就望落去賣相有啲熱氣，但係食落去個脆粉都唔算多同埋咬到啲蠔幾Juicy。個鹹蛋黃就同我預期中有少少出入以為係金沙，點知原來係將隻鹹蛋切粒嚟炒都好食嘅，可以選擇配個白飯就好，不過啲魷魚就冇乜鮮味。不過人均百幾蚊整體上嚟講都係滿意嘅。

今日公司食團年飯， book咗呢間泰國菜餐廳，我哋一行10人揸咗兩部私家車過去，打電話去留泊車位佢話冇得留，好彩都有位泊。公司留咗少少食物，有馳名炭燒乳豬佢喺出邊即場炭燒，起晒肥膏，個皮超級脆，肉就好濃胡椒味，喺泰國未食過，職員話泰國成街都係，但係香港就得佢哋有。另外打電話嗰陣職員問要唔要留呢個竹炭麵包咖喱軟殼蟹以為冇咩特別，上到枱原來都好大份量，咖喱軟殼蟹加埋黑色麵包食由另一種風味。跟住嗌咗拼盤，菜，鱸魚，炒飯，埋單每人都唔使兩舊水，份量又夠大，啱晒咁多人食。不過都係老細請，下次可以帶埋屋企人嚟食，位置闊落，環境氣氛都唔錯。

扶老攜幼帶長老及兩歲小朋友突然到訪大尾督泰太廚房。估唔到夜晚去都咁爆，剩返一張室外大枱。點知非常有驚喜！最初以為會超凍，其實都可以接受，坐戶外環境非常美麗，而且仲有泊車位置，唔使去到遠一遠先泊到車。一食完拍吓囉柚就可以揸車走人。環境除咗靚靚心曠神怡水池，仲有一部泰國車可以影相，令到長老同小朋友都非常開心。服務方面， 10分感激當日嘅經理，佢嘅無微不至，說話你個氣氛良好，令我哋當日10分快樂，原本都好擔心扶老攜幼嘅晚餐會好麻煩同多要求，但係經理一日都妥善處理。副經理得實事求是，工作快狠準。食物方面，除咗通菜比較辣、燒豬比較貴，其他所有食物一律讚不絕口，包括辣酒煮螺、燒蝦、魷魚飯、菠蘿炒飯、火山骨等，全晚食咗太多嘢，數量同份量都多，記都記唔晒。好食到連嘴尖小朋友都食咗勁多，個人嚟講，最喜歡嘅係海鮮咖喱炭麵包，本身唔係好喜歡食甜品，都對芒果糯米飯感到一試難忘。總括而言，性價比極高，一定會再去！

在繁忙的都市中，隱藏著一間令人嚮往的泰國餐廳，提供地道的泰式美食，並且方便的車位安排讓我們的用餐體驗更加輕鬆。這次，我們特意來到這裡，品嚐他們的招牌菜品，期待一場充滿泰國風味的味覺之旅。首先上桌的是泰式鐵板蠔仔煎蛋。當熱騰騰的鐵板被端上時，香氣撲鼻而來。這道菜的蠔仔新鮮飽滿，經過煎製後，外表微微焦脆，內裡卻依然保持著海鮮的嫩滑。蛋液與蠔仔的結合恰到好處，搭配上特製的泰式醬料，讓整道菜散發出獨特的酸甜風味，讓人回味無窮。這道開胃菜不僅色香味俱全，還為接下來的主菜奠定了良好的基調。接下來是泰式紅咖喱牛。這道菜的呈現讓人眼前一亮，濃郁的紅咖喱醬料包裹著嫩滑的牛肉，顏色鮮艷，令人垂涎。每一口牛肉都經過精心燉煮，肉質軟嫩，吸收了咖喱的香料精華，味道層次分明。搭配的蒜蓉包則是另一番風味，外脆內軟，蒜香四溢，與咖喱牛的濃郁形成了完美的對比。這樣的搭配不僅提升了整體口感，更讓人感受到泰式料理的獨特魅力。最後，我們品嚐了馬拉盞鮮蝦炒飯。這道炒飯的色澤金黃誘人，每一粒米飯都被炒得恰到好處，粒粒分明。蝦仁新鮮且鮮嫩，與香米的結合讓整道菜呈現出豐富的口感。馬拉盞的獨特風味為這道炒飯增添了香辣的層次，讓人每一口

今日約咗成班舊同事，本身我住大美督，佢哋成班就我，我就揀咗泰太廚房食飯，貪佢啲嘢又大啲又坐得多人。我哋訂咗一隻乳豬，同埋生蝦刺身幾年前利息都冇咁多新款食物，而家出咗好多款，有冬蔭魚片，竹炭包，仲有個火山排骨，不過太論盡，所以冇叫到食。水準不變，反而乳豬仲好食過以前，仲好好香黑胡椒味，泰國師傅出邊炭燒係有一手。另外生蝦刺身以前係用隻碟加冰，而家都轉左款式，吸晴打卡，今日都好多人食飯，凍冰冰出面都仲排緊隊，好彩我訂左，幾年無食今次食返又唔錯，會再黎。

泰太廚房 難得好朋友可以一起放假，我們決定揸車入去大埔大美督行下或踩單車，重要揾地方食嘢，食完可以逛街、行山，行海灘等。 我們要有地方泊車，朋友介紹去食一間，泰太廚房，食泰國菜，內面有泊車位，環境舒服，室內氣氛柔和，室外擺放餐枱，有柔和風， 感覺很好。 經理和店員都友善笑容為我們地推介食物。 泰式皮蛋炸蝦餅，賣相靚炸蝦餅，將蝦肉攪碎再將皮蛋放入贊成。成了皮蛋炸蝦餅，皮蛋和蝦肉滆為一體，鮮蝦美味和皮蛋豐富味道，入口彈牙好有咬感，不能錯過。另加上酸甜醬。 泰太咖哩蟹肉焗麵包，一望好想食， 服務員將一個圓圓焗麵包放在枱上，親自用刀切開焗麵包，咖哩蟹肉汁流出，香噴噴蟹肉麵包，皮鬆脆內面軟綿綿。 麵包肉浸滿了咖哩蟹肉香椰流出來，入口非常之鮮甜濃鬱蟹肉，有豐富營養。 午餐不可缺少飲料，朋友叫了椰青，入口好清甜，很下錯。 另外，叫了杯泰國生啤，也不錯清爽舒服。

今日有朋友生日，於是book咗呢間泰國菜食飯，訂咗半隻乳豬，行過嚟嗰陣見到前面有間茶飲店，買咗杯嘢飲，企喺門口諗住飲埋先入去侍應走過來話都係同一間，可以帶埋入嚟飲，於是我哋再買多幾杯入去😂坐低一陣就嚟咗個冬陰功湯，有個火滾住熱辣辣，酸辣適中，大頭蝦新鮮。半隻炭燒乳豬，皮好脆，肉好嫩，好惹味。泰國椰菜苗，蒜蓉炒，炒得好林好入味。生蝦刺身，新鮮貨，點埋酸辣汁一流。蝦春卷都好飽滿啖啖肉好正。仲有幾樣餸冇影相，整體都好好，好高分既泰國菜，當日都好多人記得訂位，買單每人$300差唔多啦

之前都嚟食過好多次，今次叫多啲人嚟食多啲嘢，訂咗半隻乳豬，夠晒我哋六個人食。隻乳豬坐低10分鐘就食得，燒得好靚， 啲皮好似薯片咁勁脆，肉質又嫩滑，重胡椒味。跟住嚟咗個泰式生蝦車，打卡一流，非常新鮮，爽彈，呢個冇得輸。咖喱蟹肉小霸王，呢個都係招牌菜，台台都叫，上菜個陣職員會問你需唔需要切，咖喱蟹肉滿到寫哂，麵包好脆，加埋咖喱真係一流。跟住嚟咗條明爐魚，哇好大條，抵食，加埋佢俾個酸辣汁真係好開胃。仲有碟菜同個炒飯冇影相，林尾叫咗個芒果糯米飯，職員話請我哋食，好好味。

疫情前幫襯過好幾次…疫情後第一次來地方一樣…TukTuk擺位搬過左少少星期日晚…全場滿座..當晚食物同賣相都算ok…除了條明爐魚由於友人喜歡食魚每次食泰菜都會點魚見餐牌寫明爐魚時價😐心知不妙因為餐牌菜式價錢偏貴…時價應該仲貴不過友人照落單亦無問價錢魚來到時賣相正常…可惜食第一啖已經覺得唔好食…湯底都算正常但條魚就唔得…肉質👎👎👎一條索價$368(未計加一)係四個菜最唔好食🙄個人認為其他菜式只是一般唔係特別出色食環境多過味道…CP值好低兩個人叫左生蝦、魚、菜、咖哩蟹肉麵包、奶茶埋單成千蚊😱…呢個價錢有更好選擇

今日約咗住大埔嘅朋友帶我去食地道嘅泰國菜，就係大美督停車場斜對面泰太廚房 🇹🇭📍大埔大美督村47號地下e 號鋪有室內和室外都可以用膳令設有停車位 餐廳環境傳統嘅泰式風格 坐落舒服餐牌都好特別，圖文並茂 午市另有套餐 價錢抵食，性價比高L7 泰式無骨海南雞跟油飯$74雞肉非常嫩滑啖啖肉，旁邊有特製嘅酸辣醬汁令到雞肉味更加出眾，雞皮好爽口，呈現鮮黃色，旁邊仲配有娃娃菜，青綠色夠晒新鮮L15泰式牛肉牛丸龍船湯金邊粉$66用上牛骨湯底，湯底好正，金邊粉幼身入味,吸晒湯底汁加埋金不換搭配味濃又清新 牛丸彈牙多汁，仲有香濃嘅牛肉味😋😋😋S5 泰式酸辣無骨鳳爪沙律$56鳳爪份量都好多 ，味道爽口微辣 ，爽口彈牙，作為前菜開胃菜，提升一下味蕾S13白酒焗大蜆$64蜆肉肥美，味道鮮甜，蜆肉嘅原汁配合埋少少白酒配搭剛剛好泰太龍眼茶冰$12大大杯仲有四五粒龍眼肉冰爽潤喉，凍冰冰入口好舒服椰青，凍冰冰，夠晒清甜泰式明爐鮮魚$98烏頭魚配搭埋大量配菜肉碎 ，而且keep住熱辣辣賣相同味道都非常唔錯，魚肉嫩滑，魚嘅size仲好大條泰式炸蝦餅$58（ 4 件）蝦餅份量非常多，四件切開之後有八件，入面仲有蝦肉爽口彈牙

今日去試吓呢間泰國菜，本身book咗六位夜晚7:00，留咗室內位置，好彩訂咗枱，因為間餐廳超爆，本身留咗一隻燒乳豬。一坐低落完單10分鐘就上咗隻燒乳豬剛剛燒好熱辣辣噴曬煙，皮好脆，肉好Juicy，點埋個酸辣汁味道昇華10倍。之後仲叫咗個咖喱蟹肉麵包，但係冇影相，因為想影嗰陣已經俾人夾走哂。跟住叫咗皮蛋蝦餅，蝦春卷，都好飽滿好食。炭燒魷魚，炭燒鱔，係辣鮮貨，即場炭燒，無得輸啦仲有叫咗個白酒焗蜆，都唔錯菠蘿炒飯埋尾，價錢合理，假期最好留定台先因為成個場都好繁忙，最尾留咗個蒜蓉包冇嚟到取消咗，不過整體都好好。

上網見到呢間泰菜好似好正咁，happy weekend 去完慈山寺就落咗嚟食。 Pad Thai 推介賣相已經冇得頂，有個蛋花包住個麵。而且裏面有好多唔同嘅海鮮，青口大蝦魷魚都有！ 我覺得餐廳都好細心，將啲花生粒同辣椒粉青檸都放喺側邊，自己自行配搭。個面調味酸酸甜甜，而且乾濕程度啱啱好！蒜蓉炒泰國椰菜苗大大碟之餘仲好有鑊氣，落咗好多蒜蓉，所以成個餸都好惹味！ 而且軟硬程度啱啱好。 炭燒豬頸肉 推介用炭火燒完個邊小小焦脆卜卜好好食，仲有炭爐嘅香味。價錢唔算貴，仲有好多片，個醬係啲甜酸醬，食落去解左油膩感。酸粉絲沙律呢個食得辣嘅朋友一定好鍾意，唔記得咗嗌小辣，所以食落都幾辣。 估唔到佢仲有好多海鮮，魷魚大蝦青口都有，而且亦都好大份，下面仲有粉絲同生菜，係一個好好嘅開胃菜。 嘢食好食，座位寬敞舒服。 吹住啲海風，食住泰菜好chill !

今日同屋企人去左大美督行下， 行完上網見到呢間泰菜 pet friendly 之外仲有免費泊車，就入去試下！ 環境好舒服有室內室外，而家仲要就冬天涼涼地。 白酒焗大蜆 推介大蜆夠大隻之外又新鮮，可能係泰菜所以調味上佢除左白酒都有香茅味！ 香茅同蜆好夾，我好中意！ 特色蟹肉炒飯 推介佢上盤個時好似一隻好大嘅糭咁，好得意。 本身見佢有兩隻蟹鉗以為剩係得蟹鉗，原來都有蟹肉係個炒飯裏面，而且都幾多。 調味都幾好，唔會太鹹，亦都唔會太油膩。泰式青咖喱 牛 青咖喱大啲又抵食，裏面都好多配料。除咗有草菇青豆，仲有泰國茄子。青咖喱一啲都唔辣，小朋友都啱食。而且都有好多塊牛，送飯同埋薄餅一流！香酥餅薄餅炸到脆卜卜，而且都好多塊！ 點青咖喱醬冇得輸！ 整體來講嘢食質素都好好，而且環境都幾舒服。帶狗仔食完嘢仲可以喺水壩行吓添！

今日同同事係大尾篤附近做野，做完岩岩好時間食lunch，同事提議係大尾篤食埋先出返大埔啦！一行三人就去到呢度，可能12點零鐘岩岩開鋪，加上閒日，無咩客人都正常。睇左menu，好多選擇喎！加1x蚊可以轉特飲！我地最後叫左豬頸肉炒飯、海南雞飯同埋炒河（豬）。全部都好大份！都幾有獲氣！不過就有少少油！食食下，愈來愈多客，最後都滿座！應該大家都幾中意呢啲，下次再黎試下其他！