影片
更多
2021-11-22
1452 瀏覽
點樣食推介✨⭐️高質燒肉Omakase⭐️⭐️上環燒肉⭐️🤸🏻YAKINIKU GREAT地址：上環皇后大道中255號Manhattan Avenue地下1號舖🍖和牛壽司 $30 (7.5/10)店員開頭會問你每人加唔加30蚊要多舊和牛壽司，一場黎到點會唔加🤣，不過舊壽司嘅牛就不過不失，牛味仲但真係太薄，反而個壽司飯好好食🤯，d米粒粒分明勁有咬口🤤，佢個米真係令我會回味🍖Omakase 極 $820 (8/10)依個set會包七款牛，其實佢嘅牛肉款式同中價位個款Omakase係大致差唔多，最大分別就係Omakase 極最後一道牛就有封面圖嗰個海膽和牛丼🤤，而Omakase松就係食大判燒，我就覺得如果大家唔係咁鍾意食海膽的話，就唔洗比貴$200，但身為海膽控嘅男朋友就覺得一定要加🤣開頭會上左三款牛先，Omakase極當日就係yakisashi、Fillet同owa Misuji(圖3左至右)，yakisashi脂肪比例特別高，食落好滑好重油脂感🤣，要注意嘅係上環店嘅店員淨係幫你燒第一款肉同最後一款肉，跟住fillet就好厚切，肉質柔軟肉汁都重但就冇咩特別，嗰幾舊和牛骰仔就更加冇特別🤣🤣🤣第四五六
⭐️高質燒肉Omakase⭐️
⭐️上環燒肉⭐️
🤸🏻
YAKINIKU GREAT
地址：上環皇后大道中255號Manhattan Avenue地下1號舖
🍖和牛壽司 $30 (7.5/10)
店員開頭會問你每人加唔加30蚊要多舊和牛壽司，一場黎到點會唔加🤣，不過舊壽司嘅牛就不過不失，牛味仲但真係太薄，反而個壽司飯好好食🤯，d米粒粒分明勁有咬口🤤，佢個米真係令我會回味
🍖Omakase 極 $820 (8/10)
依個set會包七款牛，其實佢嘅牛肉款式同中價位個款Omakase係大致差唔多，最大分別就係Omakase 極最後一道牛就有封面圖嗰個海膽和牛丼🤤，而Omakase松就係食大判燒，我就覺得如果大家唔係咁鍾意食海膽的話，就唔洗比貴$200，但身為海膽控嘅男朋友就覺得一定要加🤣
開頭會上左三款牛先，Omakase極當日就係yakisashi、Fillet同owa Misuji(圖3左至右)，yakisashi脂肪比例特別高，食落好滑好重油脂感🤣，要注意嘅係上環店嘅店員淨係幫你燒第一款肉同最後一款肉，跟住fillet就好厚切，肉質柔軟肉汁都重但就冇咩特別，嗰幾舊和牛骰仔就更加冇特別🤣🤣🤣
第四五六款就同Omakase 松係一樣(圖4)，分別有最受歡迎嘅misuji、tougarashi同kosankaku，misuji係圖4下面個塊，明顯睇到佢有幾咁靚仔油脂分佈有幾勁🤤，仲要勁大塊，想講燒完啪佢落口個下真心想大叫好好味啊🤤，佢仲要油脂感重得黎係偏爽口，好正好正，其實我覺得大家可以散嗌黎食🤤，講真第二三五六款牛都冇咩特別haha🤣，大家依幾款睇圖算喇…我唔多講🤣，tougarashi係圖4上個塊，kosankaku係圖5，第六款牛就係圖6
重頭戲絕對就係個和牛海膽丼！店員又係會幫你燒，真心燒得好靚🤤，佢本身會幫你煮個蒜頭牛油醬油汁，再淋上去個don飯度，所以係唔洗再點任何醬汁，要一啖啪曬d海膽、和牛同d飯入口！！爽！！！又好食打卡又靚👍🏻🎊
🍖Omakase 松 $620 (8/10)
頭先講左Omakase松同極嘅第一四五六款牛都係一樣，得第二三七款係唔同，第二款肉(圖8中間)係chateau briand，google左好似係fillet裏面最中心嘅部分，食落口真係油脂感勁d同嫩滑d，同埋佢唔會切到好薄，仲有返少少口感，第三款牛(圖8右)就真係普通fillet黎，比較厚切d，肉質都叫嫩但冇咩特別，油脂分布明顯比chateau briand少好多🤣
而第七道肉就係Omakase極同松嘅最大分別，會係食大判燒(⁎⁍̴̛ᴗ⁍̴̛⁎)，其實就係一塊超大超級極度重油脂加埋燒汁調味嘅和牛(圖9，10)，燒好佢再點上生雞蛋食真係一流，個胃會瞬間比人打爆左😂😂
🍖柚子雪葩 $48 (8/10)
食到最後太油膩嘅關係，點都要嗌返d野黎解膩🤣，佢個柚子雪葩甜得黎但勁清新，作為一個ending都唔錯，但受照片限制，大家去openrice睇返圖喇(￣∇￣)
回頭指數: 🍧🍧🍧🍧 (滿分:🍧🍧🍧🍧🍧)
好坐指數: 🧎🏻♀🧎🏻♀️🧎🏻♀️️🧎🏻♀️🧎🏻♀️ (滿分:🧎🏻♀️🧎🏻♀️🧎🏻♀️🧎🏻♀️🧎🏻♀️）
唔知會唔會有人睇到依度(⊙ω⊙)，我d圖嘅次序係跟返我d字嘅flow，應該可以令大家清楚明白yakiniku great係食d咩(￣∇￣)，今次食完我真係短期內唔想再食和牛，想朋友聚會熱鬧d咁食日式燒肉嘅朋友可以睇返我以前d post，我個人其實鍾意yakiniku kakura多d(⊙ω⊙)，futago都ok㗎，yakiniku great 依d食太高級牛試一次半次就夠(⊙ω⊙)
我心目中嘅日式燒肉排名：
🥇 Yakiniku Kakura
🥈 Yakiniku Great
🥉 Futago HK
4️⃣ 燒肉臻
張貼
