YAKINIKU GREAT (Manhattan Avenue)

營業中

休息中

已經第三次在這裏食晚餐，他們的牛肉質素好好，侍應們招呼周到，他們會細心地逐一介紹套餐內的內容，其中，第一二個套餐（松和極）個別牛肉他們會幫忙燒烤（令我們可以享用最美味的牛肉而不會過熟），個別牛肉他們會指引我們如何燒烤至於另一個10片牛肉的煌，全程由他們幫忙燒烤今晚我們選擇的是「極」因為喜歡他們那個口切和牛加上了海膽的組合，大家食得好開心，今晚是朋友生日，他們送了一份小小甜品，以及幫我們用即影即有相機拍照，很窩心

係香港都食到超高質日式燒烤！餐廳主打燒肉omakase🐮可以食到多款和牛極稀有部位🤤Omakase套餐有3款，今次試左$880 「極」唔同部位嘅牛都有唔同燒法🔥全部味道、口感、食法各有不同😍個人最鍾意就係牛板腱(MISUJI)同埋海膽牛柳飯(UNI CHATEAU BRIAND)味道令人回味😋初初以為得8 cuts 會唔夠飽，但係其實和牛都幾油膩，食到超級飽🫢佢嘅冷麵都非常值得一試，可以減低油膩感！套餐仲包買甜品同餐飲！鍾意食日式燒肉嘅朋友一定唔可以錯過！食完真係好似去左轉日本🇯🇵🤣

［Yakiniu Great 食評］於2024年1月2日晚，我的朋友為我慶祝生日，特意選擇了Yakiniu Great作為晚餐的地點。我們兩人選擇了880元的omakase套餐，套餐包含前菜、飲品及八款不同部位的牛肉。其中最印象深刻:和牛壽司🍣 首先上桌的是和牛壽司，這道菜帶有一點肥美的生和牛，口感鮮嫩。不過，飯量稍多，蓋過了牛肉的鮮香，讓我希望能品味到更多牛肉的風味。燒手肘肉🐄這部分肉質較為綿密，溫熱的口感令人愉悅，薄切的方式讓肉香更加突出左口邊肉🐄這道肉需要自己烤，每邊烤15秒，共烤四次，搭配黑椒調味，香氣撲鼻，讓人欲罷不能。三角肌🐄這道肉用味醂醃製了三天，非常入味，口感如棉花糖般滑嫩，令人驚艷。和牛配鰹魚湯🐟這道菜的表現稍顯一般，肉質較筋，沒有其他部位那麼令人滿意。牛柳海膽配蒜汁牛柳飯🧄這道菜的蒜香味道辛辣，配汁讓米飯更添風味，也不如其他店只得薄切牛片，是厚厚的牛柳，再加上海膽，確實令人回味。套餐的分量讓我感到略嫌不足，因此我們又點了一份冷素麵及蠔來填補肚子。冷麵🍜 冷麵的賣相清雅，裡面有蝦、海帶、蔥及紫蘇葉等，自己可以自由搭配。我額外加了wasabi，冰涼的口感和豐富的味道

今次同行四人一齊去食日式燒肉，整體體驗一般，食物冇咩特別。因為每兩位要選同一價位嘅omakase，我地分別揀左680蚊同880蚊嘅omakase。首先，講下和牛。肉質上黎講，雖然都係和牛，但感覺有啲油膩，冇嗰種帶有牛油香嘅滋味，反而有啲似食水煮豬肉。相比起我之前喺日本食嘅和牛，肉量多過佢，味道又好好多，冇得比。。至於海膽，味道就更加奇怪，有啲苦。。。唔知道點解會咁。對於唔鍾意海膽嘅人，建議揀680蚊omakase，因為880蚊入面包含海膽，其他都差唔多，和牛份量都係一樣。最後希望可以提升食物的品質。。下次試下第二間分店睇下係咪都係咁。

今日嚟到上環食高級燒肉，本身都好期待呢餐😋餐廳環境比較細，不過氣氛幾好，我哋揀咗$680嘅套餐，每上一碟牛肉店員都會話俾你知係牛邊一個嘅部位，呢點係幾好，可以長知識🤣每樣牛肉牛肉味都好重，就係和牛嘅味道😻店員有啲部位係會幫你燒，有啲部位就需要我哋自己去燒，so far店員都親切有禮😆不過去到最後有一個牛肉飯，份量都好細，白飯份量應該係一隻匙羹🤣🤣總括嚟講我食咗成個套餐好似都唔太飽，覺得性價比一般

4.3/5🌟🐮帶大家食真正好食既燒肉一間「唔洗諗即刻book既餐廳」Dinner set 分3個價錢 ： $580 $680 $880講真食好少少既任食燒肉都接近$500 不如拎錢去享受真係高質既燒肉 一樣可以食到極飽🤤個人對燒肉要求極高 好怕又油又膩又唔好食 所以寧願揀間高質素既燒肉餐廳好好享受下 ☺️ 真係好食既 一晚幾片靚牛已經好飽好滿足位於上環既 「Yakiniku Great」係我最近食過最好食既燒肉店 🥩 價錢合理 & 店員全部幫你燒 確保你食到既燒肉都係岩岩好 唔會overcooked 淨係appetiser 已經係「wagyu sushi」😋 其他dish好食到唔洗講 睇相就知💯👍🏻✍🏻 Rating: 8.6/10

今晚和友人一行四人到訪，上環分店很寬敞，落地玻璃設計，空間感十足，店內抽風好，沒有任何燒肉味道。我們被安排坐靠窗位置，點了兩份<松>，兩份<極>。兩個套餐相差$200，店員解釋了頭7款肉都是一樣，分別在於最後一款，松的是kimura yaki ，壽喜燒汁加生雞蛋。極的是頂級的chateau briand，配上北海道海膽，非常奢華。我之前到訪中環分店都是店員幫忙燒全部的肉類。今次在上環分店，有一半是店員負責，另一半則是我們燒。我個人比較喜歡全部都是店員燒，所以下次再訪會選擇中環分店。總括所有肉的部位都十分好吃，套餐性價比高，和牛肉質和油脂分布甚好，每一口都很滿足👍🏻

Booked this a month in advance and had a really high expectation on this. We tried the Omakase Kiwami at $880/person that comes with 8 cuts including their signature Uni Chateau Briand. I’d say the quality wasn’t bad, but not that outstanding. Most of the cuts just tasted the same to me. Those 8 cuts also went so quickly that we didn’t feel full actually. The last uni wagyu piece had nothing special to me as well. The uni flavour was so bland, just a gimmick I guess. Honestly had no idea why thi

遲遲未試Yakiniku GREAT 係因為要留訂金之餘，時間只有晚上6點及8點兩輪選擇。不過一試之後，係甘願受到呢啲限制。有三款分別$580/680/880嘅套餐，我點咗$680夠為「松」嘅套餐，有8款唔同牛肉部位，再加一碗生蛋飯。肉類部位我記不清楚了，只記得第一道是火炙和牛壽司，肉類當中，其中一件為餐廳推介必食A5和牛板腱，仲有拜拜肉呢個咁特別嘅部位，及用來送生蛋飯嘅西冷。其實八道菜都好出色，配上特製醬汁，也有店員負責燒大部分肉，以掌握火喉，每啖肉入口即溶，油花香滑，會令人捨不得吞下。而拜拜肉這個部位太特別了，初嚐難忘它柔軟得來卻不失肉味，一試傾心。餐廳食物水準超群，服務及環境都很好，食完之後好想再光顧呢！

嚟到Yakiniku Great同呀夥計落咀一場日式燒肉盛宴！揀咗店內既Omakase Kiwami極，啟動味蕾既先序曲係一啲和牛starter，直頭就係鋪墊得好正噃！跟住上菜既每款和牛部位，真係冇得輸。招牌uni briand don，將海膽嘅輕柔同和牛嘅醇厚結合得咁至宜，食落去滿嘴喺甘香嫩滑之中暢游，舌頭真係過癮到即刻話你知：「呢個味，正！」同場仲有包括緊張戲碼既chateaubriand，親眼見到係料理過程嘅每一步，慢慢期待既眼神絕對冇浪費—外層sear得啱啱好，入口處融合咗肉香同輕微嘅火候香，仲有啲啲粉紅，揭示緊一個軟滑無比嘅秘密。即使無花哨裝飾，但每一口都係樸實中嘅精緻，係你原汁原味中尋覓到嘅感動。同樣不容錯過嘅，系每次來都要嘆一嘆嘅番茄冷麵。走過嚿燒肉後，隻冷麵如沁心嘅清泉，令人清口得嚟又留住味蕾嘅滿意。抹茶紅豆冰淇淋收尾仲要講句「美味到尾」！總之，喺Yakiniku Great食一餐，真系食肉人士嘅小確幸！🥩✨🍣

今日嚟到上環「YAKINIKU GREAT」食omakase和牛，呢個套餐入面有7款肉，佢哋每一款牛都好新鮮，顏色上可以睇到會有七彩光澤係肉面上，平時既然肉好少會見到，牛肉入口即溶，醬汁有三款，每一款配唔同嘅牛都好到位，看得出廚師精心烹調，食完後濃濃既牛味依然留係口中，真係回味無窮• OMAKASE Hi (KIWAMP) 每人 $820Omakase 終極特別稀有 7 切-KIWAMP 將包括「UNI Chatenu Briand*•UNI-海膽*所有 Omakase 最低訂購量為 2 份YAKINIKU GREAT (Manhattan Avenue) (上環)上環皇后大道中255號Manhattan Avenue地下1號

幾經辛苦提前預訂咗，因為呢間餐廳真係好難定位，所以今日推晒所有嘢都要嚟食，總體嚟講打個95分一啲都唔過分但係可惜海膽和牛飯冇預期中咁好味，醬汁味有啲重其他肉類出品都係上乘，唔影響今次體驗

這家訂座太難了，OpenRice不能定，白天也不开门，只能晚上6點打電話預定，好不容易訂上又臨時通知爐子壞了要取消，太難了。已經兩次了爐子壞掉临时取消，爐子老壞就不能修修好嗎？

慶祝朋友生日，兩個人點左OMAKASE「KIWAMI」有8款和牛稀有部位，每款店員都會細心介紹，有幾款店員介紹後會幫你燒，有幾款就店員教你自己燒。款款肉都好好味！最後個海膽和牛丼更是驚喜，海膽好鮮甜，和牛肉好香，好淋，再淋上即煮既牛油醬油蒜片汁，好好食！每位店員都好熱情，好友善因為生日，所以店方會送上生日甜品，而且全間餐廳店員會一齊拍手唱生日歌，朋友好驚喜好耐無食過咁好食既燒肉，氣氛又好，係好愉快嘅體驗

#YakinikuGreat.Omakase 分別有 $680 & $880有appetizer + 八款牛肉食😇兩個餐頭七款肉都一樣只係第八款唔同今次試咗$880.appetizer 係牛肉壽司.第一款主要食肥油味無牛肉味not my cup of tea.第二款係厚切 加鹽同pepper對我嚟講亦冇乜特別.第三同四款都係有醬汁醃過所以比較適合我我自己鍾意第三款 Misuji 😍牛肉味香同埋好冧.第五款係用味增醃左3日覺得味增味蓋過牛肉味.第六款 係和牛肉丸+醬汁同蛋黃一起食店員話粒丸好似食Burger等我仲期待係咪會有個包一起食🤣我就話似半熟嘅beef tar tar都係我幾鍾意嘅一款😇.第七款係近shoulder位置每邊燒兩秒 再係湯拖兩秒食完可以飲埋d湯食法好特別可惜我件肉有少少筋💔.第八款係海膽牛肉飯馬糞海膽鮮甜和牛牛肉冧身多油我個人唔覺得呢款係特別好好食.另外 +$ 點左 Chef Kimura Yaki係$680個餐嘅第八款牛係一塊薄牛肉 (最後個video) +蛋黃同醬汁雖然有啲漏, 但係正！😊絕對係signature dish.如果下次再食我會揀$680就算🙃.店員服