影片
更多
2022-08-15
72 瀏覽
發現尖沙咀新開既荷蘭菜餐廳，非常特別！一直都係見慣既法國餐/日本料理omakase，但係荷蘭菜廚師拍辦omakase 真係未聽過！絕對引起充滿好奇心既我哋去試一下！荷蘭菜講真真係未試過，科普下餐廳原來係荷蘭米芝蓮餐廳大廚👨🍳Armand Chan 係香港開創！主廚兼老闆仲曾在荷蘭勇奪不少美食大奬！仲有佢本身同是一名品酒師，所以每一道菜都會配上不同獨特少見既美酒！ 真係充滿期待！餐廳裝飾非常優雅舒服，有好多有關荷蘭特色的洋畫！可以見晒喜歡餐廳地方好寬躺，坐在窗邊可以見晒成個九龍公園，非常開揚！非常岩慶祝周年生日！講真，如果只睇menu ,荷蘭菜真係唔識點叫！所以廚師發辦係最好選擇！荷蘭香腸配洋蔥蛋黃咖喱蕃茄醬荷蘭街頭小食，他們通常食時會送啤酒，所以腸身脆脆又香口，味道徧咸好送啤酒！荷蘭希靈魚荷蘭人街頭隨處可見，他們地道人喜歡原條豪氣一口食晒！希靈魚配有酸瓜洋蔥等，味道咸香味濃，配上傳統荷蘭酒廠Bols Corenwyn 酒，酒雖烈，卻非常岩口！荷蘭橡木煙燻野生鰻魚特別在鰻魚是受管制保護的野生湖生鰻魚，食一條就少一條，只有在夏季才會有，大廚話因荷蘭人本身不食魚，因極怕腥，所以才想到用煙燻
餐廳裝飾非常優雅舒服，有好多有關荷蘭特色的洋畫！可以見晒喜歡餐廳地方好寬躺，坐在窗邊可以見晒成個九龍公園，非常開揚！非常岩慶祝周年生日！
講真，如果只睇menu ,荷蘭菜真係唔識點叫！所以廚師發辦係最好選擇！
荷蘭香腸配洋蔥蛋黃咖喱蕃茄醬
11 瀏覽
0 讚好
0 留言
荷蘭街頭小食，他們通常食時會送啤酒，所以腸身脆脆又香口，味道徧咸好送啤酒！
荷蘭希靈魚
4 瀏覽
0 讚好
0 留言
1 瀏覽
0 讚好
0 留言
荷蘭人街頭隨處可見，他們地道人喜歡原條豪氣一口食晒！希靈魚配有酸瓜洋蔥等，味道咸香味濃，配上傳統荷蘭酒廠Bols Corenwyn 酒，酒雖烈，卻非常岩口！
荷蘭橡木煙燻野生鰻魚
5 瀏覽
0 讚好
0 留言
4 瀏覽
0 讚好
0 留言
特別在鰻魚是受管制保護的野生湖生鰻魚，食一條就少一條，只有在夏季才會有，大廚話因荷蘭人本身不食魚，因極怕腥，所以才想到用煙燻製法來去除鰻魚腥味！在荷蘭沿住湖邊不同的魚村都有不同既製法！表示好值得去當地一試，而餐廳主要用橡木6 小時慢燻，特別配上酸瓜，小洋蔥一齊食！煙野生鰻魚入口，肉質厚實而彈口，口感層次豐富，完全同日本鰻魚比較鬆散不同！配上日本清酒淡淡清爽花香同鰻魚一起，更突顯煙燻鰻魚香味！
荷蘭綠豆濃湯
0 瀏覽
0 讚好
0 留言
主廚表示荷蘭人通常會冬天飲既，因為湯頭用上元蹄，煙肉腸，羅白洋蔥等足料磨成湯，原版會更濃更飽肚！非常喜歡加了些香口面包粒，吸晒湯汁，但咬下去仲脆卜卜， 就像食油炸鬼咁，但味道更出眾，煙肉腸十分香，就像金華火腿咁為湯品增色不少！美味！
Dutch Shrimp荷蘭灰蝦
2 瀏覽
0 讚好
0 留言
看似蝦米，但原來是名貴既荷蘭才有的湖蝦， 蝦味比一般蝦濃烈，主廚將蝦頭炸香，與蝦身一齊食，食到超濃烈蝦味！味似啖啖蝦子感覺，但蝦味層次更豐富，口感更出眾！就如主廚建議這濃烈既荷蘭蝦要配上陳年Dimple Whiskey 先合襯。
白酒煮鮮蜆
5 瀏覽
0 讚好
0 留言
0 瀏覽
0 讚好
0 留言
最驚喜係荷蘭正宗白酒煮鮮蜆！原來荷蘭煮蜆十分講究，主廚表示荷蘭煮蜆必定要特定鐵煲，而且唔係用1個而係2個，因為要係煮熟過程完全鎖死蒸氣，海鮮鮮味可完完本本保留在煲内！而蜆肉是用上新鮮活蜆由荷蘭空運到港，所以可能充分保留蜆肉既濃濃海水味！目測蜆身色澤呈鮮橙色，既飽滿而肉汁滿溢！主廚表示要先飲啖湯先，果然特別鮮甜，湯品既creamy 但又好清爽，主要係after taste 有微微點點酸香！主廚表示係源自精選白酒既酒香！預備好既蒜蓉面包再點點湯汁真係好美味，而蜆肉喺主廚講解荷蘭湖邊生活地道時，已完全轉移至本人的肚皮了！
芝士斧頭豬排拼薯條黃咖喱番茄醬
4 瀏覽
0 讚好
0 留言
2 瀏覽
0 讚好
0 留言
大廚話用上白豚肉，而非出面常見既黑毛豬，因白豚肉口感比黑毛豬更爽嫩，容易入口，切開時更見到肉汁同少少油脂令肉質更飽滿，非常欣賞！而薯條用上荷蘭薯仔，外脆内香，配上特製咖喱番茄醬，真係第一次，主廚說有機會可試下佢既blue cheese 薯條醬！ 應該味道會勁爆！
Cherry Brandy Ice Cream
0 瀏覽
0 讚好
0 留言
原粒black cherry 用百蘭地煮得半熟與全熟之間，口感厚實而有酒甜香，加上手打cream淋在雪糕上面味道更添豐富！
一邊嘆美食，飲住靚酒，聽著主廚一邊細說荷蘭生活，美食及經營餐廳的小故事，完全感受到主廚對食物的高要求及執着，也因為如此才能做出這等美味經典傳統美味！估唔到這為次fine dine 竟然食超過3小時以上，如果不是有下場，真係想再慢慢享受！食一餐飯就好像去了一次荷蘭旅遊，亦了解到荷蘭獨特美食！多謝您Armand 主廚。
張貼
