影片
更多
2024-06-23
67 瀏覽
大判燒！黑毛和牛西冷 估唔到佢係咁大塊，油脂分佈得好均勻，一放落去燒已經爆油。西冷係比較少運動到嘅位，所以有豐富嘅油脂，食落唔會覺得好膩，而且肉質都好軟，唔會覺得柴。仲有啊！一定一定要試下配生雞蛋食，真係食到停唔到口😍🥹黑毛和牛裹腹牛柳淨係見到佢個❄都已經超期待！！同埋原來佢120g會咁大舊~ 牛味好香濃，肉質好嫩，食落入口即溶。佢會比埋把較剪你，可以按照自己喜好決定要燒幾大舊鹽味上牛舌佢有鹽味牛舌同鹽味上牛舌可以選擇，價錢差40蚊，我見上牛舌嘅脂肪好似豐富啲，所以就揀咗佢。食落好爽口彈牙，一啲都唔難咬，而且好香牛味，真係無揀錯😌黑毛和牛上肋骨中肉 (數量限定) 見到個壺仲諗緊有啲圖文不符，估唔到夾出嚟之後發現佢真係好大條😍 而且唔似排骨咁一啲肉一啲骨，成舊肉有一部分係脂肪，一部分係瘦肉，食落都幾嫩，而且每一啖都係滿滿嘅牛油～海老 咧個價錢有4隻咁大嘅蝦真係好唔錯，每隻都手掌咁大，而且燒出嚟好香，食落肉質彈牙唔會覺得“梅”，真係好新鮮石燒肉泡菜鍋飯 食咗咁多肉叫埋個主食就啱喇～ 味道啱啱好，就算有泡菜都唔會覺得好濃，而且用石鍋煮令到個底有啲飯焦，少少脆口咁幾特別杏仁布丁＆雪米糍特別想讚
估唔到佢係咁大塊，油脂分佈得好均勻，一放落去燒已經爆油。西冷係比較少運動到嘅位，所以有豐富嘅油脂，食落唔會覺得好膩，而且肉質都好軟，唔會覺得柴。仲有啊！一定一定要試下配生雞蛋食，真係食到停唔到口😍🥹
黑毛和牛裹腹牛柳
淨係見到佢個❄都已經超期待！！同埋原來佢120g會咁大舊~ 牛味好香濃，肉質好嫩，食落入口即溶。佢會比埋把較剪你，可以按照自己喜好決定要燒幾大舊
鹽味上牛舌
佢有鹽味牛舌同鹽味上牛舌可以選擇，價錢差40蚊，我見上牛舌嘅脂肪好似豐富啲，所以就揀咗佢。食落好爽口彈牙，一啲都唔難咬，而且好香牛味，真係無揀錯😌
黑毛和牛上肋骨中肉 (數量限定)
見到個壺仲諗緊有啲圖文不符，估唔到夾出嚟之後發現佢真係好大條😍 而且唔似排骨咁一啲肉一啲骨，成舊肉有一部分係脂肪，一部分係瘦肉，食落都幾嫩，而且每一啖都係滿滿嘅牛油～
海老
咧個價錢有4隻咁大嘅蝦真係好唔錯，每隻都手掌咁大，而且燒出嚟好香，食落肉質彈牙唔會覺得“梅”，真係好新鮮
石燒肉泡菜鍋飯
食咗咁多肉叫埋個主食就啱喇～ 味道啱啱好，就算有泡菜都唔會覺得好濃，而且用石鍋煮令到個底有啲飯焦，少少脆口咁幾特別
杏仁布丁＆雪米糍
特別想讚佢個杏仁布丁，淨係睇都見到佢幾滑，食落真係好細膩，入口即溶完全無顆粒感，而且唔會太甜，清淡得嚟有啲杏仁香，真係好正！！！
特別想讚店員嘅服務，每個員工都好積極去幫手，就算自己忙緊都會叫其他同事幫手先～ 另外仲會周不時過嚟睇下有無嘢要收或者換，咧啲服務真係買少見少，成個感覺好舒適，希望可以keep住laa！
張貼
