吃扒

營業中

休息中

最近興起深度文化遊，帶外地嚟嘅朋友去旺角豉油街打卡！旁邊就有一間好浪漫嘅紫色扒房，室內裝修充滿維多利亞色彩，很有特色，睇睇餐牌價錢唔貴，一於坐低鋸扒。牛油餐包、是日餐湯套餐一般升級就可以有香噴噴暖笠笠嘅牛油餐包，香濃牛油味。餐湯揀了羅宋湯，濃郁牛尾香味，湯入面都幾足料，酸酸甜甜的蕃茄味道，很開胃。雪糕菠蘿冰特飲賣相一流，超大杯冰凍的菠蘿，帶點果香，表面再加菠蘿片作點綴，每一啖都非常幼滑香濃，飲完秒速降溫。吃扒什扒配薯菜來吃一個懷舊的鐵板餐，熱辣辣鐵板，淋上醬汁，吱吱聲充滿煙霧，拎住紙巾好似小朋友咁遮住啲油煙。吃扒什扒可以話係海陸空、最正係底鋪滿粗身薯條。撥開醬汁，見到非常豐富的魚柳、煙肉、煎蛋。然後到食肉獸的部份，大大件豬扒、牛扒、雞扒，旁邊還有一條霹靂司華力腸。鐵板火候控制得好好，每一啖都能品嚐到牛扒嘅嫩滑同醬汁嘅香辣，一種濃郁而平衡的味道，非常讚！雞扒味道容易入口，加上脆卜卜的薯條，豬扒真係好大塊，差不多有成隻手掌咁大，入口軟淋，真是不錯。鐵板蜜糖風味燒雞晚餐特別抵食，今晚有啱我興趣的燒雞，鐵板蜜糖風味，半隻燒雞的外皮鬆脆，甜甜蜜蜜的醬汁，配上薯菜。大大隻的燒雞，爽口彈牙，很鮮美。