吃扒

營業中

休息中

經過數次，俾個機會去試下啦⋯⋯一試完無下次了1. 味道一般，份量大都無用2. 咖啡好普通，比不上茶餐廳咖啡，杯好立克稀到哩！3. 外賣打包盒$4個！😳每人入去都要叫一樣野食，我哋三人根本上食唔晒三個餐，為免浪費食物，唯有浪費$4要個外賣盒。我見過最貴嘅外賣盒 😅😅

相約朋友到旺角吃飯，途經豉油街，發現有間以紫色為主題的扒房相當特別，而且入座率相當高，好奇之下，便進去試一試。餐牌以扒為主，也有生酮主食，也有飯和意粉選擇。可加$20轉套餐有湯和飲品；或加$25轉套餐有湯、餐包、飲品和甜品。而我們則選擇了$20套餐。🍵熱檸水🍸青檸咸檸檬梳打(無糖)酸酸咸咸，梳打夠氣，口感清新。♥️忌廉湯忌廉香濃，口感香滑。♥️羅宋湯滿滿雜菜，酸中帶甜、甜中帶香，非常開胃。♥️特選肉眼扒配薯菜(9oz) 肉眼扒非常大塊，肉質鮮嫰，配上熔岩芝士及黑椒汁，十分惹味。♥️溫泉蛋煙肉芝士扁意粉意粉煙韌有口感，配上濃郁芝士及溫泉蛋，十分creamy。吃扒旺角豉油街108號地舖#旺角 #旺角美食 #旺角扒房 #吃扒 #香港旅行 #香港美食 #美食打卡 #西餐 #扒房

最近同朋友聚會，去咗旺角既吃扒食扒餐！今次叫左熱溶芝士紐西蘭牛柳配薯菜，上枱嘅時候都好整齊，牛柳同薯菜擺放得好精緻。更會即場係我地面前落熱溶芝士，效果一流，聞起嚟就好香！另外加$5 可以有意粉或飯！而什扒餐非常豐富，款式有好多不同款，一次過食唔同既野，食落口感唔錯。加$25仲可以有餐包、湯、甜品同飲品，真係好抵。餐包外脆內軟，湯亦都好暖胃，甜品係雪糕，食完扒之後解膩一流！餐廳環境都幾舒服，現場仲會播放懷舊金曲，服務態度都唔錯。朋友聚會亦適合！

這間舊式扒房之前在網上有很多好評廣告非常難預訂，所以趁現在熱潮過了過來試一下結果讓人失望，相信花了不少錢來賣廣告不僅食物質素非常一般，店員態度亦有待改善我們揮了好幾次手，男店員一直固着玩電話沒有留意，最後由女職員落單精選肉眼牛扒本來想選三成熟，但店員說只能選五成熟代表這塊肉的質素很一般吧份量正常，味道不過不失，口感有點韌如圖，這個熟成不可能是五成，幾乎是全熟精選雜扒份量很多，有雞肉腸，牛扒，煙肉，煎蛋，豬扒，雞扒及魚柳但裏面大部份的東西都不能算是合格的味道特別是魚柳，非常厚粉，感覺超不新鮮雞扒調味太重，只有一陣香草味幾乎吃不到雞肉的味道總括而言這間餐廳的食物及服務態度只能達到一般茶餐廳的水平但價錢卻偏貴，近$200的鐵板扒並沒有包括餐湯及飲品，需要另外加錢不會再光顧

本身都係諗住喺旺角度揀一間唔太貴嘅西餐廳鋸扒，本身想食同區嘅扒XXX，但係見到而間餐廳價錢都係差唔多價位，係openrice到有咁多好評，就諗住試下佢啦。點知由上嘢飲開始就已經中伏，叫咗個熱奶茶居然係鹹嘅，仲要我哋主動問佢攞糖先畀一包糖我哋…，跟住男女侍應服務態度都好差。上咗個湯畀我哋，之後我地飲咗幾啖，個湯仲有一半，男侍應同西面女侍應都分別行過嚟急急腳直接收走，要叫停佢先得咁我哋分別叫咗牛扒餐同雜扒餐。個餐係跟鐵板上嘅，但係個鐵板明顯唔夠熱，上面啲扒好快就已經凍咗雜扒餐嘅魚柳係好明顯唔新鮮嘅，食落仲有浸雪藏味，牛扒同樣都一樣，咬落去梅梅哋地一啲都唔香真心畀佢咁多好評呃咗。個牛扒餐仲未食完嘅時候個西面女侍應又衝過嚟收，真心出面冇人排隊使唔使咁樣趕啲客走呀差評。

西面女侍應服務奇差侍應用呼喝態度對顧客, 人地唔知以為前世欠左佢眼神不停露出不屑眼光, 唔知女店員係咪無父母教佢禮貌另一個男店員亦唔好得去邊, 睇得出做事馬虎隨便, HEA D 客人呢間野算係旺角服務態度最差的其中一間, 唔明點解仲有人幫襯, 大部份好評睇怕都係請槍...食物質素一般, 油煙甚多, 環境不太衛生, 但價錢並不便宜, 閒閒地1個餐都接近過百蚊總括來說, 性價比低, 可以話係貼錢買難受, 唔建議入去食野

*/餐廳門面小小Grand，啱曬打卡，內裡裝修同音樂就有啲懷舊氣氛，幾正食物方面熱熔芝士西冷牛柳配薯菜加$25可以轉做套餐，有中湯同羅宋湯可以揀，牛油餐包，飲品同雪糕，鐵板一上到黎已經好香，店員仲要即場加芝士，視覺效果一流👍👍西冷牛排食落好夠肉味，7成熟都一啲唔韌，好淋👍🏻🤤配菜同薯條都多，分量十足，一個人細食少少都食唔曬牛油果🥑軟殼蟹飛魚子意粉🍝$138成隻炸軟殼蟹超大隻，啖啖肉好過癮，好香口，加埋牛油果一齊食感覺好特別🥑，加埋飛魚子一齊食，口感一流，醬汁配搭又好好，唔會好膩👍👍水牛城雞翼炸得好十分香口，外面夠脆入面又有肉汁，水牛城醬又惹味😋😋最後食埋個甜品雪糕就真係好完滿❤️❤️👅

吃扒真係一個好正嘅餐廳，價錢平又好食😋餐廳環境充滿懷舊氣息，令人感受到一種親切感，我已經多次回訪☺️我哋今次試咗精選肉眼扒配黑椒汁薯菜，肉眼扒5成熟，煎得剛剛好，外脆內嫩，黑椒汁嘅香味令肉質更加美味，搭配薯菜，口感非常豐富。再加上忌廉蘑菇煙三文魚意粉，意粉煮得恰到好處，忌廉醬滑順，蘑菇同煙三文魚嘅搭配好夾，加上意粉非常掛汁，幾好食，不過如果有蒜香、黑松露調味會更正👍餐茶方面，朋友點咗西班牙咖啡，咖啡香濃，常常有一球雪糕，飲落帶有一絲甜味，非常提神，完美結束呢頓美食👍而我就點咗杯熱朱古力，上面仲有滿滿嘅cream，冰火融合好飲👍最後，為咗滿足甜品嘅慾望，我哋另外加錢配咗個Tiramisu，層次分明，咖啡味同芝士味完美融合，口感輕盈，真係好好味🤤📍吃扒 (旺角)旺角豉油街108號地舖#吃扒 #懷舊扒房 #必食扒房 #人氣餐廳 #抵食推介 #旺角美食 #紫色控 #打卡一流 #平靚正推介

呢一間氣氛復古嘅鐵板扒房，牛扒有質素，而且價錢唔貴，仲幾有氣氛添～特選肉眼扒配薯菜🥩（9oz) $188牛扒勁大塊，大過隻鐵板啊‼️牛扒阿洛仲有肉汁，而且有肉味，唔係鬆肉粉牛扒嚟㗎～建議大家跟我哋一樣叫五成熟，加埋鐵板嘅加持，真正放落口都已經差唔多係七成熟㗎啦～羅勒香草忌廉海龍王意大利飯🦐🦑$198除咗鐵板之外，呢度都仲有好多唔同嘅意粉、意大利飯選擇～好似我呢個海龍王意大利飯咁，就有勁足料勁多海鮮，例如係大虎蝦、蝦、蟹籽、魚肉、蜆肉、雜菌等，真係每一啖意大利飯都可以食到海鮮，超誇張😛😛以上兩個晚餐都可以加$25轉做套餐，套餐包咗餐包🍞、餐湯🥣、甜品🍨、飲品🍹我就揀咗加$17要特飲，揀咗平時其他餐廳好少見嘅話梅鹹檸七！甜品一樣可以upgrade ，加$28就將佢變成咗Tiramisu😋😋

放工後想搵個舒服少少既地方傾下計～旺角行到後方有間紫色的餐廳就係Chiba吃吧😊食個西餐set🤩🥩 特選肉眼扒配薯菜 (9oz)叫左5成熟，肉感嫩滑，對得住價錢～🥩🧀熱熔芝士紐西蘭牛柳配薯菜 (10oz)芝士控必點，大玩熱熔火炙🔥on fire🔥趁佢熱熱地拉絲住食都唔錯～加埋套餐張埋餐包、餐湯、飲品、雪糕～整體還可以，不過定價有點高，找個地方坐一下是可以的，套餐這樣安排就比較容易選擇💕 亦可加錢加甜品

已有一段時間沒吃鐵板餐了，昨晚與友人來這西餐廳剧扒，滿足一下我對扒的慾望。這餐廳裝修雅致舒適，重點是有不少鐵板晚餐可選擇。另外，只需加$25便可轉為套餐 （包括餐包，湯，雪糕及一杯飲品），很不錯啊。特選肉眼扒配薯菜 （$188）吃鐵板餐其中一個重點是鐵板要熱，這鐵板熱度十足，蒜蓉汁一淋上牛扒時，香氣四溢。這肉眼扒肉質鮮嫩，容易入口，生熟程度也掌握得很好。吃扒什扒配薯菜 （$196）這什扒餐真是食肉獸的恩物，這鐵板十分豐富：魚柳，煎蛋，豬扒、牛扒、雞扒、煙肉、司華力腸。每款都是大大件，十分飽肚，而且醃製適中，不會太咸。還有跟餐的餐包有微微的暖意，把牛油稍為溶化，軟綿綿的餐包十分美味。最後以甜品雪糕作結，十分滿足。

係豉油街街尾轉角位有一間極顯眼嘅紫色餐廳，細看下原來係食港式鐵板餐，而且甫一進店已經傳來鐵板嘅滋滋聲此起彼落，搭配住昏暗柔和嘅燈光同80-90年代嘅流行曲，真係好似時光倒流穿越番去80-90年代😆😆「吃扒」主打就係鐵板餐，無一枱唔係食緊鐵板扒餐😋😋除咗鐵板餐外，仲有生酮飲食🥣酮以選擇👍🏻而且午市鐵板餐仲會有餐包、餐湯、甜品同熱餐飲😎價錢都只係$79起，性價比極高🤓餐湯可以揀中式豬骨湯或者羅宋湯，後者酸甜適中而且超級足料😉配上暖暖嘅甜餐包一齊食👍🏻蔥油豬扒拼帆立貝配薯菜蔥油豬扒有兩大塊😲蔥油爆香後更加香噴噴，港式風味更濃😆帆立貝細細粒過下口癮🤓洋蔥🧅汁甜甜鹹鹹配埋蔥油豬扒💯💯精選肉眼扒配薯菜🥩7成熟肉眼扒熟度剛好，配上微辣惹味嘅黑椒汁，黑椒汁淋上個陣滋滋聲，一陣香濃黑椒味撲鼻而來，加上薯菜同西蘭花🥦👍🏻唔夠飽仲可以加$5加購白飯/蒜香意粉🍝跟餐甜品仲可以揀+$28升級心太軟配雪糕😌心太軟超軟心而且朱古力🍫味濃郁，甜度適中，加上椰子🥥味嘅雪糕球，冷熱交替好滋味👍🏻雪糕菠蘿🍍冰跟餐+$17加配升級價，新鮮菠蘿🍍加上梳打水同椰子🥥味雪糕🍦，滿滿懷舊感😎

We went to a local steakhouse on a post-Christmas Friday, and had an impressive sizzling plate of steak. This iconic purple steakhouse is near one end of Soy Street. Without a doubt, we ordered their cheesy New Zealand tenderloin. It’s a hot pan of melted lava cheese on fire, poured over an attractive thick pair of succulent tenderloins. The steak was perfectly tender and juicy (ours was medium cooked). The melted cheese was highly remarkable by its notable hint of alcoholic flavour, that remind

平安夜過嚟食飯 叫咗一個肉眼扒同埋一個雞扒卡邦尼肉眼扒係一個燒嘢食嘅平價牛扒質素 講真真係好難食 五成熟 都可以完全切唔開 切開之後入邊嘅肉質係非常差 食咗兩啖已經唔想食 側邊啲人都係叫咗肉眼扒 反應都係好失望。。之後雞扒卡邦尼 雞扒就還好嘅起碼都仲食得落口 唔會太老 但係個卡邦尼真係大鑊 未見過一個卡邦尼係好似加咗膠水咁樣 然後係冇味嘅 完全唔知食緊乜 雖然唔係好貴 但係質素嚟講完全唔值得係呢個價錢真係好bad trip 認真唔建議食

舊式擺設，舊式電話，舊式桌椅，懷舊音樂，不鏽鋼碗碟等等，雖然明知一切都是刻意營造出來的懷舊氣氛，但是成功令人有放鬆舒服感覺。這間懷舊扒房價錢合理，2:30至5:00還有九折，想在旺角簡單鋸一個扒，食個鐵板或者生酮飲食，都是不錯嘅選擇。🏅鐵板吉列龍脷柳配薯菜～外脆內嫩，香氣撲鼻🏅鐵板奇津雞扒配薯菜～雞扒多汁又惹味，兩款都在熱騰騰的鐵板上送上桌，賣相十足。每份鐵板餐還附上羅宋湯和麵包，暖胃又滿足。甜品是雪糕，但想豪華一點的話，可以加$28升級成雪糕心太軟。飲品方面，有咖啡或茶，也可加$17升級為雪糕紅豆冰或其他特飲。