吃扒 (已結業)

舊式扒房喺香港已經愈來愈少，今次食呢一間叫做吃扒既餐廳，係位於旺角。佢出面嘅裝修有少少英式復古嘅感覺，紫色嘅外牆好搶眼。入邊又會播一啲比較懷舊嘅歌曲，有啲似以前80年代嘅扒房咁。雜扒餐$196想樣樣都試吓，就叫咗雜扒餐。鐵板上面有煙肉、豬扒、雞扒、司華力腸等等。一上嚟嘅時候份量都多到嚇親，最啱選擇困難症嘅人。加咗錢轉咗做套餐，佢嘅餐湯可以揀白湯或者紅湯。羅宋湯嘅味道調校得唔錯，而且都相當足料。熱熔芝士紐西蘭牛柳配薯菜$208呢個紐西蘭牛柳嘅牛肉味都幾出，而且好吸睛，因為鐵板一上嘅時候，老闆會將熱熔嘅芝士喺你面前倒落去，視覺效果十足。而我叫咗紅酒汁，所以食嘅時候就唔會覺得好漏，而且牛柳揀咗medium啱啱好，呢個牛柳餐，我覺得可以encore。