二訪旺角「吃扒」食佢哋嘅經典扒餐，今餐Order嘅雜扒餐好豐富，所有扒類都應有盡有，真係食肉獸嘅摯愛，但係餐廳嘅服務的確有待改進，兩次光顧都有額外收款嘅問題出現，今次Order 燒紐西蘭羊扒拼虎蝦配炸椰菜花套餐，有加$5加配意粉，但最後上菜時並沒有提供意粉，但餐廳仍收取$5費用。*此餐廳收取全單10%服務費。熱熔芝士吃扒什扒配薯菜（單點$214），好足料；魚柳，口感外酥脆內嫩滑，食落有鮮味；牛扒肉質五成熟，牛味濃厚，黑椒汁味道濃郁；豬扒肉質鬆軟，食落好Juicy；雞扒食落啖啖肉；煙肉味道鹹香；司華力腸，採用脆皮香草豬肉腸；薯菜包括有橙車厘茄、車厘茄、洋蔥、西蘭花、波浪薯條；熱熔芝士採用Gruyere Cheese、Emmental Cheese製作，芝士味道淡香、主要為奶味厚重，食落比較不容易覺得膩，上菜時，Staff會淋酒，火焰效果突出，頗有氣勢，此時高溫的鐵板產生吱吱的聲音，煙霧瀰漫，完成港式鋸扒的靈魂儀式。燒紐西蘭羊扒拼虎蝦配炸椰菜花加配意粉（單點$173），略嫌羊扒煎得過熟，不過勝在肉質肥瘦適中，所以食落仍然Juicy、帶點微微羶味，配以紅酒汁食用，食落帶點酒香味道，虎蝦肉質爽口，味道鮮甜，配菜包括有炸椰菜花、橙車厘茄、苦菊、生菜、車厘茄。1碗是日餐湯（跟餐$0），羅宋湯，內有牛肉、紅蘿蔔、椰菜、洋蔥、芹菜，味道酸甜。1碗是日餐湯（跟餐$25），豬骨湯，內有豬肉、紅蘿蔔、椰菜，味道類似茶餐廳內售賣的中湯。2客牛油餐包（跟餐$0），甜餐包，口感鬆軟，食落帶點微溫，配以牛油食用，味道更佳。朱古力心太軟配雪糕（跟餐$25），心太軟表面鋪有朱古力漿，口感鬆軟，食落甜度適中，略嫌心太軟流心效果欠奉，配以香草口味雪糕、忌廉、朱古力醬、彩糖針食用，冰火交融。朱古力心太軟（跟餐$0）。凍阿華田（跟餐$3），味道香甜。凍檸檬茶（跟餐$3），飲落好清爽。…查看更多
