好湯好麵

營業中

休息中

約左朋友踩單車，佢地話大圍依間麵好出名，話想黎試，但又擔心食素既我冇野食。於是上網快check左一次，原來依度係有素麵，而且仲有幾款素既小菜，咁就無論係食肉定食素既朋友都可以食得放心。雖然係平日，但都要等位，如果係假日或者夜晚應該會好full。等位時再次確認係有素食，即刻放心哂。鋪頭門口貼左「可以不愛但不要傷害」既貼紙，即係店家都係愛動物之人，加分鋪頭細細以為要等好耐，原來樓上都仲有幾張枱，所以好快就有位坐。稍等一陣，一碗碗新鮮煮好既麵就捧左上黎。「海帶菇菇」陽春麵係用海帶同菇菌做湯底，有股清甜既味道，麵既軟硬度適中，都幾啱口味。最特別要數條腐皮條，好似一條幼身響聆，啱啱炸起非常脆口，就算點埋湯都仲係咁鬆脆，如果有得散叫多幾條就正喇。食完行幾個街口就有單車租，如果黎開踩單車都可以黎食一碗好湯好麵呢。