貴德宮私房素宴

營業中

休息中

咁呢日呢我哋一台人就有八個啦，預先book定呢一度食素菜。咁就安排左我哋入一間客房，裏面有兩張大枱，中間有個屏風隔開。 係一啲好新式嘅中餐嘅素菜， 唔再係食嗰啲豆粉啦嗰啲用豆品整嘅齋啦，一嚟冇咁多色素，二來唔係油炸嘅健康好多咁其實就預先安排好餐單，去到齊人就有得食。咁總共好似都有好多道菜食完之後其實都好飽好好食。咁講返每一道菜啦，我覺得最驚艷就係嗰壽司同埋炸素蠔天婦羅。 嗰個壽司真係同出面食嘅日本餐廳嘅壽司有得費，啲飯軟硬適中個紫菜好香。如果天婦羅裏面嗰隻蠔真係好有鮮味，我真係懷疑緊自己係咪食緊素。 另外嗰度冬瓜釀其他餡料， 同埋大啡菇都好好食，同出面好多中餐廳比，明顯好食好多，而且冇咁油膩。我最估唔到嘅仲有一道咖喱魚蛋，魚蛋嘅質地同埋味道真係同平時食開嘅魚蛋一模一樣，一咬落去果下真係嚇親我，因為真係超似。成餐飯比我嘅感覺係食得好舒適，而且係一間客房入面，個感覺都比較私人啲。食物嘅質素都唔錯都幾有驚喜。