影片
更多
2020-09-25
704 瀏覽
係紅磡做野十幾年，每當有新餐廳開張都一定會入去試試。勇記海南雞係近年試過最驚喜的餐廳，d野真係超好食，仲要係抵食 由於受歡迎，我經常要提早我既食飯時段以免比人賣晒 ( 有4次真係賣晒食唔到)食左成個月，試過以下款式1) 招牌海南雞飯 ------第一次幫親勇記點既套餐，從此爱上了此餐廳，個sauce好似係加左香矛，開胃2) 去骨麻辣雞飯 ------又係個sauce同一般餐廳大路既唔同3) 泰式豬頸肉飯 -------一開始係想食豬排，但咁啱果排換左餐牌，得豬頸肉。點知一叫又係有驚喜，成大件豬頸肉，好有咬口。食過係會想再試既餐。4) 泰式魚餅雞翼飯 -------一開始係想食蝦餅，但又係換左餐牌，得魚餅。點知一叫都係有驚喜，唔知大廚加左d咩香料，總之個魚餅好野味。雞翼好入味。佢地個煎蛋.....有圖有真相....個豉油都係勇哥特別調的.....其實我比$43，食到咁用心既野，真係有點感動....5) 咖哩牛腩飯 ---------早期新開張，老闆無預咁多食材, 海南雞飯豬排飯等成日賣晒, 有一日得返咖哩牛腩，咁我都試埋啦，佢地個咖哩牛腩唔辣的，咖哩唔係我喜好，但我都好感動佢張
勇記海南雞係近年試過最驚喜的餐廳，d野真係超好食，仲要係抵食 由於受歡迎，我經常要提早我既食飯時段以免比人賣晒 ( 有4次真係賣晒食唔到)
食左成個月，試過以下款式
1) 招牌海南雞飯 ------第一次幫親勇記點既套餐，從此爱上了此餐廳，個sauce好似係加左香矛，開胃
2) 去骨麻辣雞飯 ------又係個sauce同一般餐廳大路既唔同
3) 泰式豬頸肉飯 -------一開始係想食豬排，但咁啱果排換左餐牌，得豬頸肉。點知一叫又係有驚喜，成大件豬頸肉，好有咬口。食過係會想再試既餐。
4) 泰式魚餅雞翼飯 -------一開始係想食蝦餅，但又係換左餐牌，得魚餅。點知一叫都係有驚喜，唔知大廚加左d咩香料，總之個魚餅好野味。雞翼好入味。佢地個煎蛋.....有圖有真相....個豉油都係勇哥特別調的.....其實我比$43，食到咁用心既野，真係有點感動....
5) 咖哩牛腩飯 ---------早期新開張，老闆無預咁多食材, 海南雞飯豬排飯等成日賣晒, 有一日得返咖哩牛腩，咁我都試埋啦，佢地個咖哩牛腩唔辣的，咖哩唔係我喜好，但我都好感動佢張d potato cut到細細啦，睇得出佢地準備食材真係好有心機
6) 豬扒札肉撈檬 ---------由於飯賣晒，只好食撈檬，但係都好正，香草香料，大大件豬扒，回味。
7) 生炸豬扒蛋飯---------食到第N日總於試到豬扒飯，真係啖啖回味，佢個sauce又係自己煮，食完大滿足
8) 泰式蝦餅雞翼飯 -------由於昨日食左豬扒，所以今日試蝦餅，蝦餅係好味，不過比較起，覺得魚餅野味d。
9) 泰式鳳爪------其實一開始年輕美少女老闆娘已推介，我以為係普通泰式鳳爪，加上佢地d基本set lunch 已食到好滿足，一直未試。點知今日好肚餓, 食蝦餅雞翼飯之餘就試埋泰式鳳爪，點知，又係驚喜呀。點解$25都可以食到咁好味既野(有圖有真相)....
係紅磡返工真係好
平時好少係openrice寫野，但由於係呢間餐廳食左太多好野，真係要寫返遍食評，希望勇記海南雞生意蒸蒸日上。
泰式蝦餅雞翼飯
$43
86 瀏覽
0 讚好
0 留言
泰式鳳爪
$25
76 瀏覽
0 讚好
0 留言
張貼
