勇記海南雞

朋友屋企附近有間幾出名嘅海南雞飯，難得去紅磡，一定要試試。入到去，當然試佢個招牌菜「海南雞飯」啦，但自己就冇揀到油飯，轉左白飯！海南雞份量適中，雞肉嫩滑，即使係雞胸都唔「嚡」口，雞皮很薄，唔會黐住一嚿嚿脂肪。特別一讚係佢嘅醬料，配海南雞真係好唔錯。呢個價錢及食物質素，絕對物超所值，如果再嚟紅磡，會encore!…查看更多

聽過呢間野好多次  講到有幾出名今日路過紅磡 終於可以試試有幾出色油飯既份量的確多 但雞油香不足 好普通既一個飯連海南雞標配既湯都無正宗海南雞飯一定會有一碗清雞湯可惜 呢間野最基本既標配都無雞肉正常 但無味。。。滑係滑既但滑又無味有咩用？全靠點一個酸辣汁另外單點左一份炸咸香雞翼尖只能夠話味道正常 好細隻泰式雞腳 酸辣味正常如果要排隊 真係大可不必好多茶餐廳都做到滑雞 人地既醬汁同清湯都有埋所以理解唔到 出名在那  …查看更多

嗰日大約係四點幾左右去，唔係好多人嘅有得堂食。叫咗一碟海南雞飯，轉脾，跟油飯。另外一碟蔥油雞飯，轉脾。然後個夥計問我飲乜嘢要個湯吖..個侍應竟然反我白眼，同我講 午餐時間賣晒啲湯。咁咪鹹檸七囉…不過佢唔係七喜係雪碧…其實都係唔同味㗎。雞飯到咗，佢係滑既，但係佢冇乜雞味。同埋佢係冇薑蓉醬油嗰啲嘢俾我點..個油飯係…好重椰子油味，但係唔夠香，剩係得油感。蔥油雞飯啲蔥，係都係蔥囉，冇調味嘅…我覺得如果附近搵唔到嘢食嘅話都OK囉，要我排隊就唔使喇。同埋我諗我唔會再堂食，侍應同收銀啲態度係稱唔上良好。 我仲叫咗啲小食，唔記得係乜嘢…兩個人夾埋好似係$180左右。其實價錢算好合理，OK囉。…查看更多

4月26日揾食肥華同靚媽，在上午11：55分到達紅磡呢間，賣海南雞飯專門店排隊等佢開門營業，就喺為咗要食到，此店俾人讚到上天花板嘅鎮店名物，個碟海南雞飯和要有緣分才能夠飲到嘅嗰碗椰子雞湯。最先出埸嘅個兩碗椰子雞湯，雖然稍欠火路同熱度，但湯味濃郁入口香甜總算冇令同此湯有緣人士失望。至於碟如雷貫耳大名頂頂嘅海南雞飯就不似預期咁神級，油飯同雞都達唔到肥華預期水準。至於靚媽所點嗰客，雞喇沙卻得到佢嘅垂青俾讚。以今日在此店食到嘅食物水準及用饍環境而言，肥華認為若行過路過此店見到唔使排隊等位，此店都值得光顧。👍🏻👍🏻👍🏻…查看更多

海南雞飯雞肉嫩滑多汁，皮爽肉香，搭配油飯，米粒分明，充滿雞油香氣。配菜清爽，辣椒醬微辣開胃，黃瓜解膩。環境整潔，服務快捷，價格合理，是品嚐正宗海南風味的好選擇！喇沙米線個湯都好正！…查看更多

很久沒去該店了，帶老人家前去吃海南雞和飲椰子雞湯。之前曾聽聞其雞差了，所以好一陣子沒來幫趁😅🙋! 最近聽聞雞好食些了 (雖然沒像初開店時那麼好吃) ，故此又來幫趁一下😅!此店中午12時開門，我們12:03到達，店裡已坐滿; 一條隊等堂座，另一條隊等外賣。幸好門外排隊那邊放著一張沒背的膠椅，讓我家的老人家可坐著等! 入店後，老板娘特地幫我們換張有椅背的座位，讓我老人家可坐得安全些、舒服些，服務貼心，讚👍👍👍👍👍!二人餐抵食，之前有時加一碗海鮮叻沙; 其叻沙味道貼近星加坡吃的味道! 推介👍!椰子雞湯永遠鮮甜好飲，既不油，若大碗少少就更加好; 因好飲，總覺如此細碗不夠😅🤣。拍青瓜少少辣，合味，送油飯亦合宜。魚餅相信是取貨回來的，沒什麼特別; 墨魚餅好味些。海南雞和油飯一上檯，動筷了。雞皮和雞肉仍然嫩滑😋，油飯好味👍👍👍👍👍! 飯面上的炸蒜粒若多些更好，因能提昇飯的香味🙋‍♀️!二人餐全部掃光，下次會再來的!…查看更多

聽朋友講呢間海南雞飯好出名， 今日叫左個外賣返屋企試下。海南雞飯裝得滿滿的，外觀睇落幾好。油飯唔算好油，比較乾身，可以接受。雞肉方面，比較近雞腿肉，又幾好喎，近雞腿附近既肉好滑，亦都好有雞味。當然，盒飯同樣有雞胸肉，相對就鞋身啲同無乜味，要靠附有既醬汁搭夠。醬汁方面，唔似其他海南雞店舖有蒜蓉，豉油同辣汁，只有單一辣辣地既醬汁。醬汁味道可以的，但個人還是比較喜歡蒜蓉跟豉油既配搭。以五十幾蚊價錢吃到呢個質素是很抵食。…查看更多

雖然好多人話質素直線下降但係始終小店唔係話好貴已經比起平時嘅海南雞高質好多我自己覺得 質素唔係太穩定但係依然係市面上屬於最好食嗰個10% 強烈建議堂食因為堂食就算有問題都可以即時反映如果外賣有時人手唔夠可能真係比較隨便我覺得呢度最大嘅優點係雞肉比較入味 而且雞皮係會有種爽脆感唔係間間都有以前食呢種質素一定要去酒店先至食到但係而家$55已經食到$300同埋$55所以我唔會將要求放到咁高通常我都會加錢轉雞髀不過今次唔記得咗雞肉夠滑 而且份量都幾豐富比起最開始嘅時候等位，冇等得咁耐都係一件好事早少少嚟仲可以飲到椰子雞湯勁鍾意飲呢度嘅油飯，粒粒分明真係好正好想問吓佢點樣整…查看更多

外賣海南雞飯，原來味道只係汁料唔同。雞肉香味 7/10 分 口感9/10 分 色相 8/10 分個人覺得都不錯，對比泰安樓海南雞專門店，個人就覺得泰安樓雞味濃多啲，但雞胸肉嘅嫩感就勇記出色多啲。題外話如果可以似泰安樓咁，有埋出色嘅雞膶同雞賢賣就真係很不錯。另外一提一開始先食雞翼位有鹹香雞嘅味道，還以為係鹹香海南雞，結果只係那部位比較鹹吧😂😂😂飯方面都係偏少硬同，口感一般。油飯都唔多夠香同埋偏淋冇口感雞嘅份量以咁嘅價錢算係可以合理。飯就唔駛講啦。送嘅椰子湯，個人感覺甜同埋濃得黎有啲濁，飲唔到椰子同蘿蔔嘅清甜，味道有啲似加左人工野。 本來賣相見到有咁多椰子係有啲期待佢嘅濃椰子香味。 但結果真係幾乎飲唔出椰子味。蔥油汁 係甜嘅，個人唔like. 還是薑蔥先係王道沙薑汁鹹香度適中不錯泰式酸汁也有不錯水準…查看更多

我同三個朋友叫咗四人餐。開胃菜係涼拌青瓜。佢係麻多於辣，唔食得辣嘅人應該都食到，味道普通無咩特別。主菜當然係海南雞本人。因為我係好唔鐘意見血（有時出去食雞啲骨會有血），哩間嘢係幾啱我口味，佢起骨起得幾清，啲肉都白白滑滑咁，皮薄唔會覺得好肥。但係雞味就唔濃，主要都係靠調味，而佢個調味係唔錯的，份量都好足。小食我就揀咗豬扒，辣魚餅同普通墨魚餅。全部都香口嘢，上枱都熱辣辣，味道都係算係中間水平。套餐會包每人一個飯同嘢飲。個湯聽聞係名物嚟，多數日頭就賣哂所以我晚上去已經無哂，所以我只係叫咗普通餐飲。個油飯唔會好咸，對我嚟講就油咗少少佢係一個普通碗裝到好滿俾你，最後我地一行四個人有男有女都無一個人成功食哂成碗。有衣食嘅細食人士叫套餐會建議你拎住三個飯先。哩間屬於喺附近可以食下但山長水遠就不了嘅餐廳。…查看更多

好耐無寫食評平時同家人成日都會買阿勇海南雞飯食佢地雞飯好食係人都知之前試過佢地辣麻醬豬扒撈米線覺得佢哋除左海南雞豬扒都係好食同好juicy 2023年尾先買過隔幾個月諗住今次轉轉口味點知今次個外賣打開真係令人覺得嬲我有個句講個句有圖有真相一打開有兩條大骨其中一條骨大到差不多佔個容器三分一個豬扒碎到似係求其執啲頭頭尾尾比你加埋可能得返半塊豬扒今次個豬扒乾但未到柴似切頭頭尾尾令去炸出黎米線烚得耐質感偏淋如果豬扒無貨講聲我買返雞飯外賣都得但以家比d咁既質素出黎$58咁既質素真係尼區都仲有其他食肆可幫襯買出面兩餸飯打開都無咁嬲失望！！唔再幫襯喇反正都唔差我地一家人幫襯…查看更多

而家喺香港周圍都好容易食到海南雞飯, 但有水準又性價比高嘅數來數去唔太多。呢間泰式海南雞飯算係我比較喜歡嘅一間。呢到整嘅雞做到皮爽脆，肉夠滑嫩，雞肉亦浸得相當入味，有水準。性價比亦相當高。 海南雞飯配椰子雞湯／熱飲 賣$55 ｡ 對一個好食嘅海南雞飯嚟講， 算係相當抵食。 話明海南雞飯,除咗雞外, 當然會有飯，湯，點雞食嘅醬汁。 呢度嘅油飯做到口感軟硬適中，粒粒分明，有雞油香但唔會太肥食到成口油, 味道亦夠。湯係椰子雞湯，勁香椰子味, 非常清甜好飲。 但呢碗椰子雞湯, 飲唔飲到要睇緣份，因為每日供應有限。至於醬汁係泰式酸辣汁, 味道酸甜辣齊晒。呢度有個海南雞椰香喇沙 ，我試過覺得都唔錯, 但當然唔可以跟專門正宗食喇沙嘅店相比, 不過唔想食飯, 想轉吓口味, 可以試吓。…查看更多

外賣全隻海南雞, 雞肉係好滑又冇骨, 但冇咩雞味, 要點d泰汁先夠味; 今次買呢隻雞嘅雞脾實在太生了, 要回家番蒸, 因d血水階到雞胸肉, 蒸完係會實返d, 冇咁好食, 希望下次外賣有所改善啦！…查看更多

😋Yummy🥥🍜Coconut Aroma Laksa with🐓Signature Boneless Hainanese ChickenOR🦐Prawns⚪️White Fish Balls🐟Fried Fish Block🥚Egg💛Tofu Puff🌱Sprouts🥬Lettuce- Aromatic & Savory Broth in Perfect Thickiness- Silky, Tender & Succulent Chicken Meat, yet, lack of Chicken Aroma & Flavor. It does make sense when the price is HK$66 only- Especially love them to fine-tune the traditional hard-boiled egg to Soft-boiled egg, which is way much delicious. That is a good elevating example of contemporary-traditional 🥥🐓Coconut Chicken Soup- Soul & Stomach Soothing - Intense fresh & pleasant🥥Coconut flavor with Sweetness & Savoriness from🐓Loads of Chicken Bones & 🥕Carrots…查看更多

🍗🍗🍛🍛依間海南雞飯專門店，可以話係香港食海南雞飯以黎最好食既一間，真係唔可以唔介紹俾大家招牌去骨泰式海南雞飯-油飯($55)👍🏻👍🏻👍🏻油飯好香但唔會太油，飯面仲加左少少炸蒜海南雞色澤好吸引，夾起可見係啖啖肉，食落口真心超嫩超滑，感覺係岩岩熟，完全唔老👍🏻👍🏻平時都驚肥唔食雞皮，但今次反而覺得唔食雞皮既話，會唔係好對得住個飯，因為唔會有厚厚既肥膏夾埋個醬汁食，真係可以話食過最好味既海南雞飯泰式墨魚餅(三件$19)大細正正經經，剛剛炸起香脆可口，有墨魚味，口感比較實，唔算太彈牙另外跟餐可以有椰子雞湯，今次試唔到，要撞岩時間有緣先會試到，聽聞相當好味想講講個凍檸茶，茶味岩岩好，唔會太甜太淡👍🏻…查看更多