Parkview (新城市廣場一期)

營業中

休息中

收爐前諗住揀間好D嘅餐廳食返個團年飯，同事提議去Parkview。電話訂枱時職員溫馨提示我哋當日好多booking，建議我地早少少到。果然去到已經有好多人等位，等了約10分鐘便可以入坐。午市套餐包括餐湯/沙律，主菜同飲品。我哋叫咗全日早餐、墨西哥手撕豬肉夾餅、巴拿馬卡邦尼意大利粉同忌廉南瓜帶子，另外加$15配南瓜餅。落完單好快所有嘢就泥齊晒，估計預早整好，但味道一D都唔差同夠熱。我自己最鍾意巴拿馬卡邦尼意大利粉，加咗碎芝士同火箭菜特別好味，份量啱啱好，全日早餐都唔錯，有2條豬肉腸加埋煙肉荷包蛋蘑菇同蕃茄，夠晒份量，墨西哥手撕豬肉夾餅入面嘅豬肉有肉汁唔鞋，忌廉南瓜帶子飯味道幾好，只係得2隻帶子扣咗少少分。我哋差不多兩點離開仲有好多人等緊位，下次再去要記得訂枱。職員雖然好忙但都好好禮貌，整體用餐經驗唔錯，值得再去。