越萊 (廟街)

營業中

休息中

我好少去廟街一帶，早排陪朋友去嗰頭買嘢，估唔到廟街竟然有好多好西食，朋友喺芸芸眾餐廳入邊，揀咗呢間越萊嘅，果然冇令到我地失望。主食我地叫咗越萊精選火車頭河粉，上到黎嗰下真係嚇一嚇，因為佢嘅size實在太驚人，分量應該係jumbo size。佢湯底真係好令我地驚艷，完全飲得出係落足功夫，香料味恰到好處，扎肉同牛丸都好好食。仲有個法式豬扒包，個包勁正，同茶記係兩回事。小食我地叫咗一大堆，樣樣都睇得又打得。海防炸蝦餅外酥內嫩，蝦肉彈牙唔欺場。越萊自製手工春卷酥脆可口，尤其鍾意餐廳附上嘅醬汁，完美解膩之餘仲好有越南風味。河內蝦仁米紙卷煙煙韌韌，配上佐菜嘅醃蘿白絲係絕配。仲有食越南嘢嘅必然之選—蒜香牛油雞翼，我覺得呢個係最睇得出一間越南餐廳嘅質素如何嘅菜式，而呢度嘅蒜香牛油雞翼，我會比100分。朋友最喜歡係潘良帶子明蝦，佢話口感豐富。我最鍾意就係串燒雞，又嫩又juicy。