影片
更多
2023-12-08
117 瀏覽
之前睇過報道話啟德Airside有好多新餐廳，但開幕時人太多唔敢嚟，熱潮過後人潮減退，終於有機會嚟試下了。朋友想慢慢坐食下點心，最終揀咗「嵐月」。餐廳環境寬敞，枱同枱之間唔會好迫，仲有大玻璃窗，可以一邊欣賞窗外風景一邊嘆茶。入座後當然要先揀茶，呢度有八款茶可以選擇，由最普遍嘅普洱、香片到較為罕見嘅金駿眉都有。茶上枱後都會用慢火坐住，而每次refill都會直接加茶，確保茶嘅溫度同濃度都可以保持。橘子流沙包 :平時都係食開奶黃流沙包，橘子流沙包都係第一次試，柑橘造型嘅流沙包賣相好吸睛，散發出陣陣柑香味，入口相當鬆軟，味道甘甘甜甜，食落無奶黃包咁膩。胡椒龍蝦湯餃 :胡椒湯同餃子分開裝，客人可以依自己喜好加適量嘅湯汁；龍蝦餃大大隻，餡料相當豐富，加湯時已經聞到濃烈嘅胡椒香味，入口味道微辣，更能提升湯餃嘅鮮味。嵐月西班牙黑豚叉燒 :呢個叉燒係餐廳招牌菜之一，見到好多枱都有叫，雖然價錢唔平，但都想試下。上台時已經見到叉燒色澤好靚，每一件都係厚切，肥瘦適中，肉質好鬆軟，咬落好多肉汁，加埋秘製蜜汁，甜甜地好惹味，$298絕對物有所值。柑柚黑鱈魚 :賣相相當精緻，驟眼望落去完全唔知係鱈魚，微煎過嘅鱈魚外
餐廳環境寬敞，枱同枱之間唔會好迫，仲有大玻璃窗，可以一邊欣賞窗外風景一邊嘆茶。
入座後當然要先揀茶，呢度有八款茶可以選擇，由最普遍嘅普洱、香片到較為罕見嘅金駿眉都有。茶上枱後都會用慢火坐住，而每次refill都會直接加茶，確保茶嘅溫度同濃度都可以保持。
橘子流沙包 :
平時都係食開奶黃流沙包，橘子流沙包都係第一次試，柑橘造型嘅流沙包賣相好吸睛，散發出陣陣柑香味，入口相當鬆軟，味道甘甘甜甜，食落無奶黃包咁膩。
胡椒龍蝦湯餃 :
胡椒湯同餃子分開裝，客人可以依自己喜好加適量嘅湯汁；龍蝦餃大大隻，餡料相當豐富，加湯時已經聞到濃烈嘅胡椒香味，入口味道微辣，更能提升湯餃嘅鮮味。
嵐月西班牙黑豚叉燒 :
呢個叉燒係餐廳招牌菜之一，見到好多枱都有叫，雖然價錢唔平，但都想試下。
上台時已經見到叉燒色澤好靚，每一件都係厚切，肥瘦適中，肉質好鬆軟，咬落好多肉汁，加埋秘製蜜汁，甜甜地好惹味，$298絕對物有所值。
柑柚黑鱈魚 :
賣相相當精緻，驟眼望落去完全唔知係鱈魚，微煎過嘅鱈魚外皮香脆，內裡魚肉保持鮮嫩，柑柚汁味道酸酸甜甜，食落十分開胃。
張貼
