宴 尖沙咀

如果你喜歡食松葉蟹， 可以選擇這間店的豚， 牛， 松葉蟹腳放題， 雖然款式較少（加埋菜， 豆腐和烏冬任食）， 但是食高質素的食材果然不同凡響。首先可個刺身同前菜 ( 各一份)， 刺身新鮮好味。第一輪，一人一碟蟹腳， 你可冷食或放火鍋， 一份沖繩豚， 同沖繩牛。我比較當喜歡冷食蟹腳， 雖然都是急凍貨色， 但是不會似酒店的自助餐有雪味同過咸， 點上蟹醋， 真是非常鮮甜。沖繩豚和沖繩牛的質素都很好， 我不會期待好似A5 和牛咁正， 不過牛有牛味， 脂肪比例平均， 有圖有真相， 自己睇啦； 而且不會好似某些餐廳，第一輪之後就出比較差食材過你； 至於豚肉， 有豬味冇臭豬味， 不過略肥。我和朋友一碟又一碟， 最後整哂蟹肉出來， 加白飯煮成蟹肉粥， 真是鮮甜到有罪惡感， 我驚自己再食唔返呀!!!!!!一行5 人，　共大約25碟蟹，豚， 牛各10份，飽到第二日下午。