影片
更多
2024-02-23
63 瀏覽
上網睇，Moon Thai之前連續五年獲得<米芝蓮港澳版>推介，但好可惜之前係上環果邊分店無做。呢幾日咁岩經過牛頭角，發現原來Moon Thai 已經靜靜雞係宏利廣場開左間Foodhall by Moon Thai。今次佢主打傳統泰國皇室泰菜，加入fusion概念，以泰式美食巿集做主題，等大家用平民價錢都可以有皇帝式享受。餐廳超大，而且裝修新穎。坐位相隔闊落，坐得好舒服。食物價錢方面都唔貴。泰式全日早餐($128)泰式全日早餐有泰式粥，沙爹雞串，培根，雜菌，煎蛋及酸種包（配牛油果醬）。同西式全日早餐最大分別就係佢有碗粥同雞肉串燒。粥用肉碎同雞肉煮好，粥底好綿好滑。串燒都燒得好香口同有炭香味。招牌和牛船麵($118)半生熟和牛肉質嫩滑 ，重牛味之餘仲帶油香。船麵湯底味道濃厚，配上爽滑麵質，口感非常豐富。招牌羊肉串燒($58)羊肉串燒一上檯已經聞到好香，羊肉燒完仲可以保持肉汁。配埋自家製花生沙爹醬，味道香濃得黎又唔會蓋過羊肉本身嘅味道。烤香茅豬頸肉($48)豬頸肉燒到兩面都有炭香味，肉質爽彈而且多汁，加埋泰式酸辣汁，好惹味。班蘭椰汁千層糕($58)千層糕班蘭同椰汁味濃，而且
餐廳超大，而且裝修新穎。坐位相隔闊落，坐得好舒服。食物價錢方面都唔貴。
泰式全日早餐($128)
泰式全日早餐有泰式粥，沙爹雞串，培根，雜菌，煎蛋及酸種包（配牛油果醬）。同西式全日早餐最大分別就係佢有碗粥同雞肉串燒。粥用肉碎同雞肉煮好，粥底好綿好滑。串燒都燒得好香口同有炭香味。
招牌和牛船麵($118)
半生熟和牛肉質嫩滑 ，重牛味之餘仲帶油香。船麵湯底味道濃厚，配上爽滑麵質，口感非常豐富。
招牌羊肉串燒($58)
羊肉串燒一上檯已經聞到好香，羊肉燒完仲可以保持肉汁。配埋自家製花生沙爹醬，味道香濃得黎又唔會蓋過羊肉本身嘅味道。
烤香茅豬頸肉($48)
豬頸肉燒到兩面都有炭香味，肉質爽彈而且多汁，加埋泰式酸辣汁，好惹味。
班蘭椰汁千層糕($58)
千層糕班蘭同椰汁味濃，而且非常煙韌，做飯後甜品真係一流。
芒果糯米飯($88)
今次仲叫左另一款甜品芒果糯米飯。糯米飯軟硬適中，十分有咬口，芒果都好甜，兩者夾埋一齊食好好味。
Moon Thai有米芝蓮囓光環，食物質素果然有保證。
張貼
