Foodhall by Moon Thai

星期日在觀塘工業區很多餐廳都沒有開門，路過見到宏利廣場上層這裏有些食客用膳，便走了上來一探究竟。這裏裝潢華麗，座位間隔十分寬敞，而且還見到廚房/出菜的部分地區，環境方面讓人幾有期待。可惜我坐的位置前方有冷氣機滴水。雞肉漢堡(紅咖喱蛋黃醬) ($88) ★★★✰✰午餐主菜有超過廿款選擇，即使是weekend menu價錢都不會太貴。我選了一款較平價的漢堡，驚喜的是有配焗薯，失望的是味道很一般：紅咖喱蛋黃醬味道完全不突出，只有少許辣味和咖喱香，與雞扒及漢堡不太夾(傳統的沙律醬/mustard更佳)。焗薯附上的沙律醬也比較吝嗇，焗薯下的鹽、黑椒不夠，整體只有能果腹而非享受的感覺。 泰式髒髒奶茶 ($38) ★★✰✰✰原有Dirty咖啡把expresso倒進冷牛奶中，咖啡隨時間慢慢與牛奶融和，不同時間喝下去有不同濃度和層次。這個概念放在本身已很有奶味的泰奶之中便有點奇怪：這杯泰奶奶精味有點濃，喝到一半之後變成完全牛奶，基本上等於整杯都是牛奶，有點太膩。而且玻璃杯以至下層的牛奶都不夠凍，對我而言是失敗的創新飲品。整體而言，這間餐廳的環境座位舒適，店員服務也有禮周到，可惜當日所試的食物質素很有進步空間，因此綜合只能給予OK的評價。…查看更多

近排天氣咁焗熱，好想食下泰國菜醒下神🤣 屋企人帶我來這間位於觀塘牛頭角的fusion 泰菜餐廳，佢地午市來食過話覺得幾好食，今次又帶埋我又去食下😋 這間餐廳的食物質素頗高，而且份量十足，店員服務有禮，餐廳空間非常大，好多座位，座位亦十分闊落，環境舒適，跟朋友家人聚餐也是個不錯的選擇！😌 坐耐啲都唔怕被人趕～🤣1. 🐣沙嗲雞肉串燒🍢 ($58)雞肉燒得焦香，肉質嫩滑，一共有4串，配上比平時口感清新一點的沙嗲醬，滋味之餘又不會覺膩！👍🏻😎2. 🐷烤香茅豬頸肉 ($58)充滿炭火香味的特色豬頸肉，份量都算幾多，帶點焦香和油香！配上他們自家製的酸辣汁，開胃解膩！😋3. 🥘鐵板辣椒豬肉炒河 ($148)鐵板上枱時熱辣辣，香噴噴，夠哂鑊氣！🤩 用鐵板上菜還可以保存溫度～不怕變涼👍🏻 河粉炒得乾身，不會太油，豬肉炒得很香，再加上羅勒、椰菜、紅蘿蔔片、洋蔥、豆角及蕃茄仔，配菜非常豐富，份量足夠4個人share，味道辣辣地，好惹味！😋👍🏻4. 🐮泰式安格斯牛肉火鍋套餐🍲 ($188)這個火鍋套餐非常豐富！😍 材料有美國安格斯牛肋肉、牛冧片、牛肉丸、新鮮蔬菜拼盤、金邊粉，安格斯牛肋肉和牛冧片各有10多片，帶有濃郁牛肉味，肉質軟嫩，而蔬菜拼盤的種類也很多，有金菇、冬菇、本菇、生菜，好新鮮！最後再滾個金邊粉，吸收了濃郁的牛肉湯底，正！🤤👍🏻5. 🎃南瓜布甸 ($52)一碟有三件，南瓜包着南瓜布甸，布甸有淡淡的椰奶和南瓜香，口感細滑和有少許跟南瓜蓉混和的感覺～…查看更多

同班同事收工搵食，再次去到呢間泰式fusion餐廳，環境闊落有卡位，坐得舒服，價錢算合理，唔使排長龍加分！ 牛舌芯配青胡椒燒汁（$98）一上碟以為得幾塊好「揦脷」，點知咬落真係驚艷！牛舌芯厚切，內裏超淋身又彈牙，完全冇渣！青胡椒汁帶少少wasabi嗆辣，但唔會搶味，襯到絕～安格斯牛肉泰式火鍋套餐（$188）個冬陰功湯底好足料，香茅同檸檬葉味好出，酸辣度啱啱好（怕辣嘅同事都接受到）。安格斯牛大概有六，七片，薄切易熟。套餐包埋雜菜、金邊粉、牛丸同普通牛肉，幾個人share岩晒。 鐵板辣椒雞肉炒河（$148）鑊氣夠！河粉炒到乾身唔油，雞肉大塊又嫩滑，辣辣地，勁惹味。 鐵板熱辣辣上枱，打卡一流，但小心彈油！ 香蕉朱古力煎餅（$62）即叫即煎要等，上枱脆到「索索聲」！香蕉鋪到滿一滿，朱古力醬唔會死甜。三、四個人share就岩岩好～ 總括而言，牛舌芯真心高質，必encore！火鍋同炒減點河唔錯，煎餅值得一試。人均$200-$250，觀塘區算抵食。服務幾好，加水收碟好爽手，啱晒一班人吹水食飯！ …查看更多

去開牛頭角搵朋友，搵到呢間泰國野，落地玻璃透光，環境真係好舒服。都幾岩黎呢度同朋友chill下，原來佢地lunch仲有semi buffet，呢日仲有野做，下次慢慢再黎試下。沙嗲雞肉串燒肉質鮮嫩，搭配濃郁既花生沙嗲醬，鹹香中帶著淡淡椰香！牛肉冬陰金邊粉係必食船麵！陰湯底酸辣適中，味道夠哂濃郁，牛肉都好嫩，金邊粉夠哂爽口，下次再試埋其他配搭先！泰式豬肉漢堡夠哂大舊豬肉，加上有一d配菜，而個醬汁都好濃！最抵食既地方係原來佢係有配一個焗薯，真係超級飽肚！南瓜椰奶布丁，甜品賣相勁吸引，估唔到佢將椰奶布丁結合南瓜一齊，布丁好滑，南瓜既自然甜味同椰奶都幾夾，甜而不膩凍泰式奶茶，經典泰奶茶香濃郁，濃厚既煉乳同埋紅茶平衡唔錯，令人感到滿足！泰式髒髒茶好創新，係一款好似”Dirty” 咁既概念，而用左濃茶同椰奶作為基底，唔錯既新嘗試…查看更多

早前到訪FOODHALL by Moon Thai，餐廳設計走現代簡約路線，帶點北歐Café的明亮風格，打破傳統泰菜館的格局除了單點菜式，近期正值「水燈節」推廣期間，提供二人套餐，分量十足！烤香茅豬頸肉豬頸肉烤得嫩滑多汁，搭配特製酸辣醬汁，酸甜開胃沙嗲雞肉 & 豬肉串燒雞肉與豬肉串燒同樣出色，外層微焦，內裡保持肉汁泰式椰汁雞湯湯底椰香濃郁，香料層次豐富，入口溫潤帶微辣泰式鐵板蠔餅即叫即製，上桌時鐵板滋滋作響。蠔餅外脆內軟，蠔仔鮮味突出蛋咖喱牛肉配薄餅咖喱香濃馥郁，牛肉燉得軟腍入味，口感層次豐富。薄餅蘸上咖喱汁同食，更顯滋味甜品拼盤包括斑斕椰汁千層糕、椰汁西米糕及泰式椰奶布甸，甜而不膩值得一提的是，FOODHALL by Moon Thai 前身為知名泰菜館，不僅曾連續五年獲《米芝蓮港澳版》推介，更長期擁有泰國政府「THAI SELECT」認證，餐廳至今仍堅持由曾任泰皇御廚的團隊主理。餐廳環境舒適，服務周到，有不一樣的現代用餐氛圍，絕對值得一試！…查看更多