天天海南雞飯 (新城市廣場三期)

營業中

休息中

新加坡米之蓮推介嘅天天海南雞聽就聽得多，想試好耐今日終於有機會試下。我地叫左個二人套餐，最主緊係要有個天天海南雞，碟雞一黎到其實就咁望都唔知點解會已經覺得好滑嘅感覺，試入口真係唔洗講野，滑而好有雞味，第二舊先試點埋佢配備嘅醬汁，都一樣咁正，想試埋個豬肉骨茶小火銅，個骨基本上都唔洗用力咬骨同肉都好易分離，好淋，湯底好香濃，另外個豆漿海南雜菜煲，第一次食呢個味道嘅雜菜真係估唔到咁夾味，菜吸收左豆漿嘅香味令到啲菜更滑更好食，最後有個黃金雞脆骨，果然係叫做脆骨，真係好脆好濃嘅蛋黃味，二人套餐咁多個餸都好夾個雞油飯，雞油飯唔會好漏好油嘅感覺，另外再叫左兩杯豆腐椰奶咖啡，嘩，呢杯真係不得了超級好味，第一次飲咖啡有豆腐係低成件事係好夾味，正。