CHUTNEY

一上到去個門口係好印度feel,有啲金橙色嘅布料遮住。冇影到相😩都幾靚。門口中間會企咗個穿印度衫🥻嘅女仔帶你入去。一入到去係舒服又柔和嘅裝修。位與位之間好闊落，我哋坐4人枱，都幾舒服。一坐底就會比嘅小食你，有薄荷醬比你點嚟食。都幾得意，有啲似薄嘅烤脆脆片。我哋4個女仔，點咗6樣嘢食。朋友點，所以唔知啲野食叫咩名😂😂有羊有雞個人最鍾意係羊肉醬，點麵包🥰真係好好食👍🏻👍🏻啲麵包好香牛油味🤤外脆內軟，好正😋因為我唔食得咁多羊，所以羊嘅嘢食都係食少少🤏🏼試吓。啲羊真係唔膻，可能因為太多香料遮蓋咗😆但唔好食羊嘅朋友都話，佢啲羊係幾好味。其實4個女仔係食唔晒，如果男士就可能會覺得細份。整體嚟講，環境服務同食物都好好。因為之前第一次食印度野係旺角女人街嗰間印度咖哩，呢間完全係超大分別🤣下次可以再嚟。可能新開又係平日，所以冇乜人。如果鍾意飲酒，可以開支酒飲，慢慢飲慢慢食，傾吓偈。