築間幸福鍋物

假日去食晏，12點去到，見間餐廳好冷清，我哋係第一枱客。一開始揀湯底，原本想要個麻辣奶香鍋，但店員話無鴨血，惟有轉食其他湯底。餐牌上面嘅小食類亦都全部無哂，選擇少咗一截。落單方法係用QR code，用餐完結時間35分鐘前就會截單，限定7分鐘先可以落一次單，每次只可以叫6樣嘢，甜品飲品無得自取，都係要用QR code落單。落單諸多限制都算數，上菜速度感覺刻意拖慢，等10分鐘先有湯底，落單落咗兩輪都未有嘢食送上嚟，而且有部份嘢食漏單。客人少都咁嘅情況，想像唔到如果晚市多幾枱客會點算。食物質素唔錯，對得住價錢，但就真係唔係特別出色，而且選擇唔算多，午餐300幾嘅話，相信同一價位絕對有更好嘅放題選擇。唯一要讚嘅係，雖然用餐時間係100分鐘，但店員無催我哋交枱，所以都坐咗接近2個鐘先離開。總括嚟講就係無下次，未試過食放題會覺得食唔飽。