影片
更多
2024-06-22
3114 瀏覽
之前見社交平台 賣晒廣告好似好抵任食和牛，咁咪試吓囉，早幾日發現可以WhatsApp訂位，點知已經full晒，唯有5:30準時去攞飛，但係當我食到一半嘅時候個餐廳都係坐唔滿，完全唔覺得booking full晒，可能新店唔夠人手所以有啲地方冇開啦…….另外啲職員真係得閒到係旁邊一路傾計一路望住我哋食嘢，嗰種感覺好奇怪🥲入正題，我哋揀咗Level 2 ，掃QR code落單，入到餐牌嗰下真係呆咗，餐牌剩係得肉可以揀，冇其他嘢揀，咁咪每款「所謂嘅和牛」都叫一碟試吓啦，嚟到之後啲肉望落去好一般，食落去好韌，完全唔似和牛，另外出邊雪櫃食物種類少，都係啲好普通嘅嘢，飲品都冇咩幾款，自助醬料更加唔使講，食完之後完全唔知自己食緊啲乜，我諗全場最好食㗎都係得雪糕，雖然埋單新開張有得免加一，但真係唔會有下次，三百幾蚊食埋啲百幾蚊都不如嘅牛肉，不如去隔離火鍋放題食仲好過，呢個價錢仲有新鮮海鮮任食添，大家真係要睇評價去決定食唔食，今次真係中大伏
入正題，我哋揀咗Level 2 ，掃QR code落單，入到餐牌嗰下真係呆咗，餐牌剩係得肉可以揀，冇其他嘢揀，咁咪每款「所謂嘅和牛」都叫一碟試吓啦，嚟到之後啲肉望落去好一般，食落去好韌，完全唔似和牛，另外出邊雪櫃食物種類少，都係啲好普通嘅嘢，飲品都冇咩幾款，自助醬料更加唔使講，食完之後完全唔知自己食緊啲乜，我諗全場最好食㗎都係得雪糕，雖然埋單新開張有得免加一，但真係唔會有下次，三百幾蚊食埋啲百幾蚊都不如嘅牛肉，不如去隔離火鍋放題食仲好過，呢個價錢仲有新鮮海鮮任食添，大家真係要睇評價去決定食唔食，今次真係中大伏
張貼
