影片
更多
2011-03-25
50 瀏覽
朋友聚會, 精心挑選了西貢的六福菜館, 原因是朋友鑫少指定的, 他說上星期品嚐過, 認為可以安哥, 所以今次要和大家再重臨舊地, 說好野當然要一起分享, 當然今次也是鑫少發板, 其他我唔敢講, 講食,鑫少在朋友之中也算識食, 所以他介紹的既應該也不錯. 先來個西貢地道魚湯, 一個例牌, 六個人六碗剛剛好, 魚湯呈奶白色, 蕃茄薯仔應該係煲好先放上去的, 魚湯好鮮甜, 個湯好清, 好似飲緊牛奶咁, 不過就係好重魚味既牛奶, 但一點也沒有腥味, 只是一碗太少了. 六福招牌菜之一-炸豆腐, 鑫少極之推介, 亦是他重選這裡的原因, 金黃色的炸豆腐, 一客十二件, 非常抵食, 豆腐外脆里滑, 口感一流, 用來佐酒更為完美組合. 一入口先是輕輕的椒鹽味剌激味覺, 之後是香滑的豆味停留在口中, 必食之選. 咸才炆腩仔, 一看便知味道濃郁, 因為些腩仔也入了色, 應該是炆了相當長的時間, 用南乳醬炆製而成的, 有好重的南乳味,豬肉是用半肥瘦的豬腩肉和咸才,木耳製成的, 腩仔咸才搭配的非常合拍, 咸才吊起整個餸菜的味道起來, 也令到豬肉無咁肥膩, 陪酒, 陪飯一流, 夠味濃.清正東星, 正魚度度都有
他說上星期品嚐過, 認為可以安哥,
所以今次要和大家再重臨舊地, 說好野當然要一起分享, 當然今次也是鑫少發板, 其他我唔敢講, 講食,
鑫少在朋友之中也算識食, 所以他介紹的既應該也不錯.
先來個西貢地道魚湯, 一個例牌, 六個人六碗剛剛好, 魚湯呈奶白色, 蕃茄薯仔應該係煲好先放上去的, 魚湯好鮮甜,
個湯好清, 好似飲緊牛奶咁, 不過就係好重魚味既牛奶, 但一點也沒有腥味, 只是一碗太少了.
六福招牌菜之一-炸豆腐, 鑫少極之推介, 亦是他重選這裡的原因, 金黃色的炸豆腐, 一客十二件, 非常抵食, 豆腐外脆里滑,
口感一流, 用來佐酒更為完美組合. 一入口先是輕輕的椒鹽味剌激味覺, 之後是香滑的豆味停留在口中, 必食之選.
咸才炆腩仔, 一看便知味道濃郁, 因為些腩仔也入了色, 應該是炆了相當長的時間, 用南乳醬炆製而成的, 有好重的南乳味,
豬肉是用半肥瘦的豬腩肉和咸才,木耳製成的, 腩仔咸才搭配的非常合拍, 咸才吊起整個餸菜的味道起來,
也令到豬肉無咁肥膩, 陪酒, 陪飯一流, 夠味濃.
清正東星, 正魚度度都有得食, 好唔好食除了講求魚一定要新鮮之外, 新鮮固然好食,廚師的技術也很重要, 太熟的話肉會好鞋,
唔夠熟的話, 夾唔起d肉, 所以我認為最完美的是正九成熟到, 到上檯時再用鼓油淋上面, 咁就會剛剛好, 是晚六福做到了,
條魚是當晚的傑出之作, 火侯剛剛好, 不會太油和太咸, 味道恰到好處.
炸鮑魚, 食法特別, 有別於一般傳統的煮法, 炆, 扣, 正幾味, 首先將鮑魚正熟, 再涼干上粉落油炸, 最後用椒鹽審上面,令到
椒鹽味唔會蓋過鮑魚的鮮味, 令食家可以享受到鮑魚的鮮味之餘, 還有椒鹽的香口.
脆皮風沙雞, 跟出面的脆皮炸子雞手法差不多, 不過是在面上撒一層炸蒜, 故有風沙雞之稱. 雞是用鮮雞製成的, 不是用冰鮮雞,
因為鮮雞和冰鮮雞一食便知龍與鳳, 雞有雞味. 今時今日在香港餐廳要食到新鮮雞都幾難. 風沙雞跟南乳醬, 這樣的配搭未試過,
點鼓汁就食得多, 點南乳醬真係未試過, 幾有客家人的感覺.
蛋白榣柱炒飯, 個飯炒得好靚, 會見到d飯真係一粒粒的, 味道也非常之好.
金銀蛋浸白菜, 還算可以, 不會太油, 六福所有的菜色都不會太油, 這是我非常欣賞的.
在這多謝鑫少大大的統籌, 一早訂好位, 約人和等位, 我們非常之感謝, 是次晚宴也非常之盡興.
張貼
