影片
更多
2025-04-27
0 瀏覽
越式吊龍湯粉 $82估唔呢度有得食小黃牛肉粉，仲有吊龍、雪花及匙柄三大精華部位選擇。今次我就揀咗吊龍，個湯底好清甜，有陣陣牛骨香，肉質夠晒嫩滑，份量都幾足料。河粉爽滑索晒湯汁，加啲青檸同辣椒落去，更加醒胃！ 海鮮炒檬粉(連餐湯) $82呢碟小炒夠晒鑊氣，炒得乾身又唔油膩，正！海鮮有爽口鮮蝦、彈牙魷魚同鮮甜蜆肉，份量夠多。味道清淡得嚟帶出食材鮮味，加啲辣椒醬就更加惹味，食落好過癮！ 香茅燒豬頸肉撈檬 $76豬頸肉燒到啱啱好，邊位脆脆哋，香茅味好出。撈檬嘅魚露汁酸酸甜甜，撈埋檬粉、生菜同花生碎，食落好fresh。串燒雞、牛、豬三串 $68即叫即燒，上枱仲熱辣辣。雞肉好嫩，豬肉有蜜糖甜香，牛肉就夠Juicy，點埋個沙嗲醬特別惹味。青檸梳打 跟餐+$8越式滴滴咖啡 跟餐+$8熱奶茶
估唔呢度有得食小黃牛肉粉，仲有吊龍、雪花及匙柄三大精華部位選擇。
今次我就揀咗吊龍，個湯底好清甜，有陣陣牛骨香，肉質夠晒嫩滑，份量都幾足料。河粉爽滑索晒湯汁，加啲青檸同辣椒落去，更加醒胃！ 
海鮮炒檬粉(連餐湯) $82
呢碟小炒夠晒鑊氣，炒得乾身又唔油膩，正！海鮮有爽口鮮蝦、彈牙魷魚同鮮甜蜆肉，份量夠多。
味道清淡得嚟帶出食材鮮味，加啲辣椒醬就更加惹味，食落好過癮！ 
香茅燒豬頸肉撈檬 $76
豬頸肉燒到啱啱好，邊位脆脆哋，香茅味好出。
撈檬嘅魚露汁酸酸甜甜，撈埋檬粉、生菜同花生碎，食落好fresh。
串燒雞、牛、豬三串 $68
即叫即燒，上枱仲熱辣辣。雞肉好嫩，豬肉有蜜糖甜香，牛肉就夠Juicy，點埋個沙嗲醬特別惹味。
青檸梳打 跟餐+$8
越式滴滴咖啡 跟餐+$8
熱奶茶
張貼
