WM咖啡廳

因為好突然咁想食自助餐，所以就17:30先打去book位，有位當然好開心啦！諗住就算唔好食，都係過個生日啫，無所謂啦！最後我真心係喜出望外的，性價比絕對高！先講冷盤，有龍蝦仔，麵包蟹，長腳蟹，青口，翡翠螺，蝦，重有即開生蠔，真係不得了，所有海鮮都勁新鮮，$588+10%，有匯豐或恆生卡重有9折，聽說房客係有8折的， 呢個價錢絕對超值啦！刺身類就唔多，得三文魚（超肥美）八爪魚，希靈魚，原殼甜蝦，不過冷盤咁正，刺身就即時比下去了😅熟食都好多款式架，真心我掛住食嘢，所以無乜影相，但熟食質素都好ok, 特別係個意大利飯，好正，但因為太漏唔敢食太多！沙律吧都多選擇，都有好幾款沙律菜可以揀！甜品種類唔算多，特別蛋糕類，得幾款，其實都係木糠布甸，牛奶奶凍果D, 但鍾意食朱古力既朋友就一定要拎佢D朱古力食，佢兩款朱古力真係甜而不漏，一款裡面係榛子，另一款係軟心黑朱古力！總之一句講晒，呢間WM令我回味中🤤🤤