影片
更多
2023-10-14
147 瀏覽
間唔中我就鍾意自私食下好嘢。今日就揀咗喺鵝頸橋底嘅火鍋放題店-牛之鍋。我就揀咗最高質嘅c餐。c餐最主要唔同嘅係有升級刺身同埋牛肉選擇。呢度係任飲任食（佢除咗有火鍋配料，仲包括串燒，刺身，壽司，炸物，甜品，有酒精及冇酒精飲品），各款蔬菜，麵食，飲料同調味料都可以喺出面自己拎。湯底我揀咗鴛鴦鍋，一邊係麻辣湯底，另一邊係花膠荳香魚湯。兩款湯底都好高質，魚湯真材實料，好濃魚味，呈奶白色。至於麻辣湯，佢有好多唔同嘅香料加咗落去，令到湯底味道好有層次。由於款式太多，係呢度同大家介紹我最推介嘅食品：珍寶赤蝦，珍寶帶子：大隻鮮甜。油甘魚，劍魚腩：魚肉新鮮，重魚味。鮑魚蟹籽軍艦：紫菜仲係脆既，相信係即叫即做。鮑魚係罐頭包嘅味道同質感。店家都好抌本。澳洲m5和牛：雪花紋好靚，色澤鮮紅。牛味濃郁。澳洲手切牛肉：鍾意手切肥牛嘅厚度，有咬口，更食得出牛肉嘅鮮味。韓國蠔：睇佢細細隻好似唔係好顯眼咁，但係食落好原來鮮味。雞子：新鮮大大粒，唔會有怪味。台灣鴨血：必食項目，好滑，唔易散。大白蜆：新鮮，淥熟咗都仲好大嚿肉。原隻鮑魚：鮑魚好大隻，回本項目。章魚燒：外脆內軟，真係有八爪魚粒係入邊。炸雞皮餃子：呢個雞皮餃子，喺
我就揀咗最高質嘅c餐。c餐最主要唔同嘅係有升級刺身同埋牛肉選擇。
呢度係任飲任食（佢除咗有火鍋配料，仲包括串燒，刺身，壽司，炸物，甜品，有酒精及冇酒精飲品），各款蔬菜，麵食，飲料同調味料都可以喺出面自己拎。
湯底我揀咗鴛鴦鍋，一邊係麻辣湯底，另一邊係花膠荳香魚湯。兩款湯底都好高質，魚湯真材實料，好濃魚味，呈奶白色。至於麻辣湯，佢有好多唔同嘅香料加咗落去，令到湯底味道好有層次。
由於款式太多，係呢度同大家介紹我最推介嘅食品：
珍寶赤蝦，珍寶帶子：大隻鮮甜。
油甘魚，劍魚腩：魚肉新鮮，重魚味。
鮑魚蟹籽軍艦：紫菜仲係脆既，相信係即叫即做。鮑魚係罐頭包嘅味道同質感。店家都好抌本。
澳洲m5和牛：雪花紋好靚，色澤鮮紅。牛味濃郁。
澳洲手切牛肉：鍾意手切肥牛嘅厚度，有咬口，更食得出牛肉嘅鮮味。
韓國蠔：睇佢細細隻好似唔係好顯眼咁，但係食落好原來鮮味。
雞子：新鮮大大粒，唔會有怪味。
台灣鴨血：必食項目，好滑，唔易散。
大白蜆：新鮮，淥熟咗都仲好大嚿肉。
原隻鮑魚：鮑魚好大隻，回本項目。
章魚燒：外脆內軟，真係有八爪魚粒係入邊。
炸雞皮餃子：呢個雞皮餃子，喺出面好少見，雞皮炸到脆卜卜，亦都有雞油個香味，滲入左喺個餡度。
榴槤炸彈：果然係炸彈！一咬落去啲榴槤蓉咇出嚟！唔係講笑。所以大家食嗰陣時小心啲。榴槤用好香好濃。
榴槤芭菲：下層有啲脆脆，上層係榴槤軟雪糕，再有啲啲榴槤榕喺旁邊。賣相好靚。榴槤味香。
軟雪糕窩夫：個窩夫應該係啱啱整起，咬落去仲暖既。脆脆嘅窩夫加埋雲呢拿雪糕一齊食，正！
精選綿綿冰：真係做到好綿密。所以入口即溶。今日係芒果味，酸酸地清清油膩感。
榴槤甘露：呢個係好濃榴槤味，佢再有啲珍珠同埋好細粒好細粒嘅西米喺入邊，係好特別嘅一個甜品。
白桃烏龍冷泡茶：茶味香濃，消滯解膩。
總體嚟講，佢真係好多款式選擇。食材高質。甜品好有特色。特別推介榴槤控黎食.
張貼
