農

營業中

休息中

有幾次踩單車經過科學園都見到呢間主打農家菜嘅餐廳坐滿人，有戶外位置俾踩單車同帶毛孩嘅朋友，又可以吸收下陽光同新鮮空氣，所以今晚終於嚟到試吓。店員安排咗我哋兩個坐卡位，相當闊落。因為慶生，所以叫咗好多嘢，食九大鬼😆。前菜：蒜蓉香辣鳳爪：鳳爪好爽口，辣辣地幾開胃口水彈蛋（鵪鶉蛋）：呢個賣相幾得意，唔春蛋嫩滑點心：小豬嘜造型嘅叉燒包，賣相吸引，足料主菜：爆汁乳鴿：超juicy, 乳鴿個皮燒得好脆火雲叉燒：啲個係打卡必叫，一嚟到店員就將佢點火，賣相一流。叉燒半肥瘦，啱啱好肉骨茶: 好正宗，濃郁嘅藥材味。用紫砂茶壺裝住，慢慢飲，都仲keep到個溫度鹽焗聖子：分量好多，聖子好新鮮，鮮味冇沙蓮藕苗炒臘肉：第一次試蓮藕苗，口感幾得意，連埋啲炒臘肉一齊食，幾惹味烈焰菠蘿炒飯：火焰菠蘿非常吸晴，個瑤柱菠蘿蛋白炒飯炒得幾乾身，幾好食甜品：牛榛仔：榛子朱古力流心包，可愛既造型再飽都想食多一啖椰香拉絲：脆脆，好香嘅椰香味，唔係太甜菊花普洱：好大支，抵飲。好香嘅菊花味，同茶底幾夾整體而言，性價比幾高既精緻創意料理 ，朋友家庭聚會一流！