江蘇銘悅

營業中

休息中

食物⭐️⭐️⭐️⭐️：總廚來自夜上海，出品有一定保證。食物質素整體中上，足料且手功含量高，特別值得一提點心驚喜，非常高質！江蘇菜餐廳嚟講，餐牌上嘅食物款式都幾廣，cover咗唔少其他派系中菜，因為個人唔係好清淡果種江蘇口味，所以都好滿足到我重口味既需求。最令人回味包括農家菜乾小元蹄、湯品、小籠包、生煎包、芝麻卷、甜品必要棗泥拉糕等等，以上都係我會二訪再叫嘅嘢食。值得一提，試左個湯品腌篤鮮，裡面既金華火腿好香鹹鮮味好出色，一問之下職員介紹哩到所有菜式用嘅金華火腿都來自金華市嘅正宗兩頭烏豬，都幾impressive價錢⭐️⭐️⭐️⭐️：唔係特別平但綜合食物、環境整體性價比高。服務⭐️⭐️⭐️：可能因為我係剛剛開張就去左食，店員都好殷勤但唔係個個了解menu, 最後廚師仲有走入黎同我地打招呼同介紹下間餐廳，所以加分環境⭐️⭐️⭐️⭐️：門口唔易搵，lobby好一般，但入到餐廳既新裝修同整體royal blue，高格調得黎唔會老土。好多包箱，我哋5個人都有得坐房，私隱度高，加分。Overall⭐️⭐️⭐️⭐️: 綜合價錢、食物、環境，會二訪再訪的餐廳，值得家庭聚會、喺附近返工食晏既餐廳。