淥烚年代

營業中

休息中

今晚同朋友飯聚， 揀左尖沙咀海防道寶豐大廈2樓嘅渌烚年代打邊爐。餐廳環境光猛新淨， 座位唔算太多， 有私房菜Feel。湯底: 沙爹麻辣鴨血湯安格斯牛肉黑木耳新鮮豬潤豬肚金菇脆鯇魚骨水魷菜心苗湯底味道濃郁， 沙爹湯好香濃， 麻辣麻味強過辣味， 食到條利麻哂， 好有Feel.安格斯牛肉 - 牛肉味濃， 肥瘦適中， 入口鮮嫩。黑木耳-好爽脆， 入口索索聲， 正。新鮮豬潤-朋友鍾意食內臟， 有新鮮豬潤就必點， 輕輕滾一滾轉色就可以入口， 味道甘甜。豬肚-超級爽滑彈牙， 份量十足。脆鯇魚骨-香甜爽脆， 魚肉身帶有豐富魚油， 好食。 菜心苗 - 新鮮鮮甜， 平時唔多食菜嘅我， 都食得好滿足。