莆田 (PopCorn 2)

營業中

休息中

今天要介紹的餐廳是一家主打福建菜的餐廳，放假同老公去將軍澳Popcorn行街街，經過莆田，蒲田位於將軍澳商場Popcorn，裝修以簡約典雅，燈光明亮，光線充足，環境寬敞，坐位寬敞，坐得舒服，服務幾好。莆田扁肉湯呢款係餐廳招牌菜，湯入面有唔少好似雲吞嘅扁肉，雖然細粒但是肉質鮮甜，薄薄的皮包住肉餡，湯底清甜，可以一口湯一啖肉，湯底已紫菜湯為底，非常好味，鐘意紫菜湯的有口福了。鐵板鹽焗蟶聖子透過鐵板用鹽焗嘅方式整熟，保留聖子原汁原味，打開入面既蟶子鮮甜肥美脹卜卜，食落好juicy一啲都唔會咸。傳統海蠣煎呢款係餐廳必食推介，福建特色海蠣煎，呢個有好多蠔，肉質飽滿，夠晒鮮味。蛋完全無搶左海蠣風頭，而且口感煙煙韌韌，有啲似台式嘅蚵仔煎。興化炒米粉米粉較幼身，帶有與別不同的口感，細嫩柔滑，用福建幼米粉，鬆化到好似棉花咁！再配上大雜燴方式加入蝦、蜆、蟶子，味道豐富，海鮮材料又多，好容易吸收其他材料嘅鮮味，每一啖都令人食得非常滿足！