Cafe Whale

營業中

休息中

無諗過英國最出名嘅炸魚薯條都可以黎個中西合璧，炸魚薯條走去搵黃花魚黎做都夠晒大膽，最勁就係相入面右上角啡啡地色嗰兜野，五柳醬加十錦菜，就係將細個成日食嘅五柳黃花魚變成咗炸魚薯條，超誇張。件炸黃花魚都幾新鮮，而且個炸漿夠薄，唔會咬落去成口粉。另外，其實件炸魚就咁點沙律醬已經好正，不過加咗個五柳醬之後，可以話係神還原。雖然薯條係配角，不過呢間餐廳嘅薯條係新鮮炸嘅，所以口感同味道都非常好，連沙律菜都係新鮮同靚嘅，唔會霉唔會燶晒邊，廚師應該好有要求。