Cafe Whale

營業中

休息中

🍔漢堡 💮小店 🚹1-4人 🐻‍❄️#新奇控 💛——————🐻🐻‍❄️俾非常特別嘅漢堡🍔slogan吸引左，決定試吓到底「拎得上手嘅羊腩煲！」係隱世美食、定世紀奇伏🤣🍔脆脆枝竹羊漢堡$108🍔漢堡包有羊肉味騷味、但唔算重，咬開羊肉仲有肉汁湧出嚟🤤；食落似真.羊腩煲嘅味道，但就無咁濃味👍🏽，因為唔係落純腐乳醬，而係落咗腐乳蛋黃醬；中間夾咗脆枝竹，令成個漢堡咬落軟中帶脆😋🐻‍❄️：初初真係抱住試伏嘅心態，無諗過幾好食😝🍔手打騸牯牛漢堡$112騸牯牛係指年紀好細就被閹割嘅牛仔，因為無咗衝動，所以脂肪會比較多～配料類近其他漢堡店嘅芝士牛肉漢堡，係穩陣之作👍🏽🐻：漢堡肉食落唔會覺得特別肥🐂整體都符合高價漢堡嘅水準👍🏽🫃份量🤰適合小鳥胃，如果想食多啲可能就要加薯條、小食可惜當日龍躉賣晒，唔係會想試吓魚～因為當日店舖都忙，所以💁‍♂️服務💁🏽‍♀️就麻麻啦，有位店員比較豪爽🙈同埋基本上要自己服務自己，例如自己行出收銀落order同俾埋錢～結論：脆脆枝竹羊漢堡值得一試👍🏽店舖仲有其他新奇漢堡E.g.龍躉漢堡、軟殼蟹漢堡等，有機會會再嚟試😆

【東區】【Cafe Whale】嚟到太安樓，梗係乜都想食吓。而家東海棠都係地膽，問吓佢食乜好，佢就推咗呢間出嚟。見佢個名中文意思係鯨魚咖啡店，咁肯定唔會係食鯨魚架啦，我深明「鯨魚唔係魚」嘅大原則，但可能又真係食魚架喎，我點知啫。去到就知原來佢係賣漢堡包嘅，而且種類都唔少，以小店嚟講，全日供應嘅漢堡包都有八種，都幾好。不過既然有人介紹，就梗係順便問埋意見，唔使自己諗吖嘛。點知東海棠一開口就講啲 hidden menu 嘅嘢，好彩有問佢先有得食。講緊嘅呢款就係 $128 嘅「竹炭黑牛吐司」，本身竹炭漢堡就 menu 都有，但係呢款好似用咗啲靚牛，同埋啲肉超級多，食肉獸一定中意。個包係包一罐嘢飲，揀咗「有得解菊花茶」，我畀東海棠飲，我之前飲過覺得都 okay 嘅。食漢堡包點可以冇薯條，加 $25 加配「薯條」，係新鮮即炸嘅連皮粗薯條嚟，熱辣辣幾好食。埋單 $140，食到咁多肉係唔貴，仲要幾好食喎。不過佢哋都慘，做得都辛苦，聽講香港仔分店亦都已結業，希望呢度生意可以好啲啦。。。（地址：西灣河筲箕灣道57-87號太安樓第三街A61 A&B號舖）#1amfoodie #hkig #foodie #

黎太安樓唔一定要掃街！去漢堡店都唔一定要食burger!呢間以burger 做招牌嘅小店魚湯十分出色❤️❤️❤️ 作為魚湯愛好者係要清到一滴不留！淨係見佢d 泡泡咁綿密就知佢出色啦🥹勁 濃！係用好多魚仔煮埋一齊先可以有呢個效果！一d 味精都無，感覺係食左好多營養落肚！佢配嘅野只係魚蛋同娃娃菜，但娃娃菜正正就是魚湯嘅好朋友呀😍 魚蛋又十分彈牙！正👍🏻隨餐會送個汽水同蕃茄仔，唔好睇少呢個蕃茄仔，佢比一般出面食到嘅我expect 嘅味道特別！唔係平時嘅好酸/好重醋味 , 真係要品嚐下！我都忍唔住問左店員係點整😆 最後想講，做街坊生意嘅，佢地真係好kids friendly , 有個櫃放小朋友餐具同顏色筆，店主亦對小朋友好熱情🫶🏻 有人情味 又好食 嘅小店，請香港人好好珍惜👍🏻

終於終於黎太安樓了，黑松露酱沙漢堡、和手打騸牯牛漢堡，店長話魚肉是用活魚新鮮炸，真係唔同口感，外脆裏嫩，最閉黑松露汁少左d，再多d就更好；牛肉堡牛肉味好濃，麵包有牛油香味，套餐搭配汽水，薯條要加錢另加，貴，可能係因爲食材都用新鮮材料挂。

是日午餐簡簡單單西灣河間太安樓Cafe Whale騸牯牛漢堡加炸蕃薯條perfect match。我成日覺得Burger店要比試就首選件漢堡扒，而漢堡扒唔係就咁一舊肉餅咁簡單，如果認真起上嚟去邊唔會分唔同嘅牛肉唔同嘅部位肌肉嘅combination，呢一間夠玩嘢用騸牯牛都幾癲呀，騸牯牛肉就係牛味重但係就唔好好肥好多油，呢個騸牯牛漢堡完美做到晒。食落肉汁豐富，感覺新鮮。蕃薯條應該係即叫即炸，又唔會好多油，出面食薯條食得多轉吓口味食蕃薯條都唔錯。呢度Burger送汽水，百幾蚊物有所值。

晚上19:45左右嚟到，門口要排隊大約10個人。以前未有YouTuber介紹之前，冇見過有人排隊，好多時候都只係得1-2枱，而家真係紅咗。等咗15-20分鐘就有位。有枱係自己入座，自己去收銀處落單，自己拎餐具。1. 雞油馬友配薯條$128：炸魚薯條嚟講，唔算好食。好食嘅炸魚個皮會脆（用脆漿），塊魚會好滑有魚味；佢呢個馬友係吉列硬皮，有魚味但唔係話好突出好加分，食落少少鞋口但可以接受。舊魚就咁食會有少少腥味，噴咗花雕個腥味會冇咗，會好食番少少，但唔稱得上係好食。佢俾兩隻叉你，係因為佢個吉列皮好硬，用刀一切舊魚就會散晒，而佢塊魚皮有時又會切唔斷，所以好難好完整咁食佢塊魚。跟咗個綠色白色嘅醬，冇乜味少少草青味，點魚或者薯條都唔夾，唔知想點。沙律同薯條就正常發揮。2. 手打騸牯牛堡$112：等咗好耐先上，即刻整，個包面仲脆，點知一啖咬落去就出事。。。點解係羊味嘅？係一陣羊騷味。我同老公都好疑惑，騸牯牛我哋打邊爐成日買啦，幾時會有騷味騷到好似食羊咁？而且羊同牛味都唔同，都分到㗎？由於出菜嗰陣同時出咗兩個包，我哋就懷疑係咪搞錯咗，老公去問完，佢哋話可能同一個扒爐煎，所以沾咗啲羊味。佢可以重新整一個

食物質素高，下次會再光顧試試漢堡包！店主端出注滿蘋果木的煙霧，一打開蓋…驚喜十足！炸魚超新鮮嫩滑，配角薯仔一樣出色！外脆內軟，薯味十足，每條薯條都吸收了煙燻味，非常有驚喜！到另一主角魚湯烏冬…魚湯湯底非常濃郁！只有魚的鮮甜味一點腥味都沒有！所有配菜都非常夾！對於缺乏湯水的年輕人們…完全可以填補那一塊！本以為分量不夠，但喝完整碗湯…已經超級滿足！最後令我驚喜的是本想亂點咖啡來提神…誰不知飲品一樣高質！店主精選咖啡豆喝得出的層次..絕不馬虎！店家亦貼心在冰咖啡裡冰是咖啡冰…真是愛死這間店….提議店主可以在菜單加上魚湯湯飯亦可加上甜點來襯托這麼出色的咖啡吧？雖然舖頭位置不好找…要到店舖社交平台教學才方便找到！為了這麼高質的食物絕對值得！不過在夏天的天氣下還是點外賣好了…因為空調實在不夠

這是一家很有誠意的Burger店，由味道、食物質素以至醬汁配搭均令人留下深刻印象。先講這個鞍格斯牛肉Burger，入面的鞍格斯牛肉有燒烤的香味，外層帶有少少燶，做出炭燒的感覺(估計不是真的用炭燒，因為好像環保條例有所限制)。接著是這個墨魚Burger，本人非常欣賞入面的吉列墨魚扒，還專登要影幅相。此吉列墨魚扒並非一般的炸墨魚餅咁簡單，好有彈性，厚身得黎入面仲有墨魚粗粒，所以入口的口感特別好𡁻，佢呢個包係配芥末蛋黃醬，同件吉列墨魚好夾。最後就係呢個炸魚薯條，佢嘅炸魚唔係用一般魚柳，而係用黃花魚，件黃花魚柳雖然係炸咗，不過都覺得幾新鮮，另外佢仲配埋五柳黃花的五柳汁，仲要有埋D木瓜絲青瓜絲(好似叫拾錦菜)，用黎點黃花真係好正。

這個魚湯烏冬盛惠$75，入面D料只有魚片、魚蛋、魚片頭同埋娃娃菜，再加兩粒番茄仔同埋野飲連埋，野飲就係雪櫃入面D汽水、紙包裝飲品同埋礦泉水任揀，好似有D貴，今次終於試咗，重點係佢個魚湯，真係好鮮味，魚味好濃，個湯嘅質地都香滑，似乎真係自己煲而唔係工業製成品黎嘅，無味精嘅感覺，呢度個廚真係非常有誠意。成日經過都見佢門口貼張野出黎話「魚湯烏冬售罄」，真係有料到。另外仲叫咗個腐乳薯條，喺薯條上加一粒乾嘅腐乳，然後仲有個腐乳醬，估唔到腐乳同薯條都幾夾，同埋粒乾腐乳都幾過癮。一人前$123，無收加一，物有所值。

英國名物炸魚薯條喺香港好多地方好多餐廳都食得到，不過都係一般嘅炸魚柳又或者好少少會用啤酒做魚柳嘅粉漿，但係呢一間burger店嘅炸魚薯條就用咗香港街市常見嘅魚去做，刁鑽得來又有親切感，可以揀馬友(仲要係一夜乾)、黃立䱽、懵仔魚同埋黃花魚四款，我今次就揀咗懵仔魚，佢係一件件細件嘅魚柳咁樣嘅，炸咗出嚟一啲都唔乾，入面仲好Juicy，魚油非常豐富，值得一提嘅係佢嗰個汁，白色沙律醬外面有一圈綠色嘅汁，似係用平時蒸魚嗰啲蔥調配嘅，因為有一陣好輕微嘅蔥味。佢啲薯條都好好食，即叫即炸熱辣辣。

今日唔食Burger唔食魚湯烏冬，試咗慢煮西班牙黑毛豬丼，味道的確唔錯。可能就係因為用慢煮嘅方法去煮D黑毛豬柳，所以食落去就覺得D黑毛豬柳juicy d，夠晒淋不過肉質仍然保持彈性，另外佢D黑毛豬柳嘅外層煎到微微燒焦，食落特別香，打埋隻溫泉蛋落去撈飯，令D飯特別香，另外佢飯面仲有D紫菜絲，好有日式風味。同魚湯烏冬一樣會跟一份詰梅漬番茄仔，其實呢個小食真係唔錯，清得黎又夠晒健康，開胃醒胃，不過如果比多兩粒就會更開心啦。

一夜乾馬友漢堡果然係一試難忘，魚柳包搵到馬友去整都真心刁鑽，仲要有埋花雕酒比你唧落去，佩服。佢支花雕酒仲要搵個好靚嘅香水樽裝住，真心勁。侍應提醒我地，揭開個包唧啲花雕落去塊馬友嘅時候要小心，要因應自己嘅口味去唧，否則返唔到轉頭。唧咗花雕之後又真係有嗰種一夜乾鹹魚嘅味道，仲入面仲有少少金華火腿嘅香味，夠晒中西合璧。我地另外再叫咗一份腐乳薯條，其實係炸薯條上面加咗一粒乾嘅腐乳同埋有一啲乾腐乳碎粉，另外仲有一碟腐乳醬俾你點薯條，影真夠誠意。

呢一碗魚湯烏冬盛惠$75，淨係個魚湯湯底已經真心物超所值，佢個魚湯嗰種鮮味真係要用好多魚慢慢煲先出到呢個又濃又鮮嘅味道，心機同功夫都真係缺一不可，方間好多時都話呢啲奶白色嘅魚湯用d雜魚已經得，而啲雜魚係唔值錢嘅，不過唔好忘記劏魚同洗魚嘅功夫。除咗個魚湯之外，入面仲有魚蛋魚片同埋魚片頭，另外仲有棵娃娃菜，咁當然仲有烏冬啦，佢個烏冬都幾好食，爽身彈牙，唔會浸一陣個湯就淋晒。嗰兩圳粒紅色野係車厘茄，用話梅同青檸浸，都幾清新。佢仲包埋罐飲品，所以$75真係超值。

正當我們在討論點什麼食物的時候，頭上的電視機忽然出現一幅很有霸氣的照片，被它吸引之下便決定點一點試一試。這個慢煮美國小牛柳吐司的真身跟照片差不多，一樣很有霸氣，這些小牛柳不只外表好看，味道也真的不錯，牛味夠香濃，肉質帶少少煙韌，一邊吃一邊覺得牛柳的肉汁充滿在口腔內，喜歡吃肉的朋友真的要試一試。另外它的吐司也做得不錯，帶微溫而且又烘得很乾身，有微脆的口感。我們還點了炸魚仲，因為此店的炸魚真的非同凡響，炸魚仲竟然是用新鮮魚製作，所以那魚油很香濃，一吃便知是極上的出品。最後我們再點多一份炸番薯條，美味。

無諗過英國最出名嘅炸魚薯條都可以黎個中西合璧，炸魚薯條走去搵黃花魚黎做都夠晒大膽，最勁就係相入面右上角啡啡地色嗰兜野，五柳醬加十錦菜，就係將細個成日食嘅五柳黃花魚變成咗炸魚薯條，超誇張。件炸黃花魚都幾新鮮，而且個炸漿夠薄，唔會咬落去成口粉。另外，其實件炸魚就咁點沙律醬已經好正，不過加咗個五柳醬之後，可以話係神還原。雖然薯條係配角，不過呢間餐廳嘅薯條係新鮮炸嘅，所以口感同味道都非常好，連沙律菜都係新鮮同靚嘅，唔會霉唔會燶晒邊，廚師應該好有要求。