影片
更多
2025-03-13
245 瀏覽
神秘國度之《Still》難得星期六放假，去咗位於土瓜灣啟岸商場1樓嘅西班牙菜《still》，都幾有驚喜😊。是日餐湯 + 是日沙律：餐湯係南瓜湯，南瓜味香、味道濃郁；沙律就係蜜瓜配西班牙芝士沙律，蜜瓜夠甜，加上西班牙芝士嘅鹹味融為一體，味道特別😄。芝麻雞翼：脆卜卜，啖啖肉，配有少少芝士醬，味道相當可口😆。澳洲安格斯西冷扒：特配嘅西班牙汁，厚厚嘅安格斯肉，即使叫七成熟都唔會好韌。配上薯蓉食用，會有唔同層次嘅口感體驗😋。西班牙海鮮薯蓉：海鮮方面，有大蝦、青口、比目魚柳及八爪魚。 其中最值得一提嘅係八爪魚🦑，除咗有八爪魚嘅觸鬚食之外，餐廳仲特別切咗一啲八爪魚嘅肉，食落口感煙韌，但係又唔會黐牙，好特別嘅感覺😋。其他海鮮都非常新鮮。加上秘製嘅薯蓉同埋西班牙汁，一道菜可以擁有五六種唔同嘅口感，性價比極高👍🏻。Dirty + 氣泡水果酒：嘢飲方面，Dirty呢一杯嘢飲本身係無喺menu入面，因為本身呢一杯嘢飲係dirty chocolate，係一杯朱古力嘅嘢飲，但朋友好想飲dirty，老闆非常爽口答應我地整一杯自家製嘅👍🏻。味道方面，咖啡味濃，而且佢杯係用咗鞋形狀嘅杯好吸精。至於水果酒方面，分別用咗藍
難得星期六放假，去咗位於土瓜灣啟岸商場1樓嘅西班牙菜《still》，都幾有驚喜😊。
是日餐湯 + 是日沙律：
餐湯係南瓜湯，南瓜味香、味道濃郁；沙律就係蜜瓜配西班牙芝士沙律，蜜瓜夠甜，加上西班牙芝士嘅鹹味融為一體，味道特別😄。
芝麻雞翼：
脆卜卜，啖啖肉，配有少少芝士醬，味道相當可口😆。
澳洲安格斯西冷扒：
特配嘅西班牙汁，厚厚嘅安格斯肉，即使叫七成熟都唔會好韌。配上薯蓉食用，會有唔同層次嘅口感體驗😋。
西班牙海鮮薯蓉：
海鮮方面，有大蝦、青口、比目魚柳及八爪魚。 其中最值得一提嘅係八爪魚🦑，除咗有八爪魚嘅觸鬚食之外，餐廳仲特別切咗一啲八爪魚嘅肉，食落口感煙韌，但係又唔會黐牙，好特別嘅感覺😋。其他海鮮都非常新鮮。加上秘製嘅薯蓉同埋西班牙汁，一道菜可以擁有五六種唔同嘅口感，性價比極高👍🏻。
Dirty + 氣泡水果酒：
嘢飲方面，Dirty呢一杯嘢飲本身係無喺menu入面，因為本身呢一杯嘢飲係dirty chocolate，係一杯朱古力嘅嘢飲，但朋友好想飲dirty，老闆非常爽口答應我地整一杯自家製嘅👍🏻。味道方面，咖啡味濃，而且佢杯係用咗鞋形狀嘅杯好吸精。至於水果酒方面，分別用咗藍莓、青蘋果同橙，水果清甜，配上起泡酒，感覺非常之flash👍🏻。
總結：
入到嚟已經好有西班牙嘅格調，打卡一流、店員服務態度仲好好，好值得一讚嘅係我食完之後，佢哋明明已經係落場時間，都冇好趕急咁收我哋嘅杯碟，仲好有禮貌叫我哋唔使咁心急。最後，我仲漏咗把遮，佢特登追出嚟畀返我，非常貼心😊。
張貼
