影片
更多
2021-07-04
215 瀏覽
早已聽過澳門人氣日式茶舍「汴京茶寮」嘅大名，汴京茶寮提供多款中國茶、日本茶及日本進口的和菓子，為客人帶來獨特的手沖精品茶及日本茶室的文化體驗。早排進駐中環後，身邊亦有唔少朋友去咗朝聖。呢日約咗朋友去呷茶，雖然早上黑雨，但既然下午已經停雨，我哋就決定照原定計劃見面。小店悠閒憩靜，裝潢充滿禪意，猶如置身日本茶館！望住出面中環嘅街景，邊個會諗到呢個寸金尺土嘅石屎森林入面都有一個棲息地，可以讓都市人放慢腳步，慢慢品茶呢？可能因為下雨嘅關係，呢日客人唔多，反而可以一邊享受茶道，一邊靜靜聊天。冰磚明太子抹茶蕎麥麵套餐 ($228)呢個冰磚套餐夏日限定，而且每日限量供應，難得呢日下午仲有，當然唔可以錯過。好打卡嘅一個套餐，味道其實亦好好。明太子抹茶蕎麥麵散發淡淡抹茶味，放在冰磚內口感更加爽口彈牙，配上鹹香嘅明太子，味道毫不單調，我最鍾意配搭嘅梅酒汁，梅香濃郁，酒味亦突出，加埋一齊非常冰涼消暑！厚燒玉子口感似布丁，味道甜甜地。甜品則有靜岡濃厚抹茶及焙茶生朱古力，兩款生朱古力都非常出色，口感軟滑即溶，茶味香醇，我特別鍾意焙茶味，充滿焙茶嘅回甘香！呢個套餐最特別嘅地方係包含手打冰點佐賀有機抹茶--瑞雲，店
小店悠閒憩靜，裝潢充滿禪意，猶如置身日本茶館！望住出面中環嘅街景，邊個會諗到呢個寸金尺土嘅石屎森林入面都有一個棲息地，可以讓都市人放慢腳步，慢慢品茶呢？
可能因為下雨嘅關係，呢日客人唔多，反而可以一邊享受茶道，一邊靜靜聊天。
冰磚明太子抹茶蕎麥麵套餐 ($228)
呢個冰磚套餐夏日限定，而且每日限量供應，難得呢日下午仲有，當然唔可以錯過。
好打卡嘅一個套餐，味道其實亦好好。明太子抹茶蕎麥麵散發淡淡抹茶味，放在冰磚內口感更加爽口彈牙，配上鹹香嘅明太子，味道毫不單調，我最鍾意配搭嘅梅酒汁，梅香濃郁，酒味亦突出，加埋一齊非常冰涼消暑！厚燒玉子口感似布丁，味道甜甜地。
甜品則有靜岡濃厚抹茶及焙茶生朱古力，兩款生朱古力都非常出色，口感軟滑即溶，茶味香醇，我特別鍾意焙茶味，充滿焙茶嘅回甘香！
呢個套餐最特別嘅地方係包含手打冰點佐賀有機抹茶--瑞雲，店員介紹係茶道級使用抹茶，適合製作薄茶。加入冰粒嘅佐賀有機抹茶口感清爽，毫無澀味，入到喉嚨盡是抹茶嘅甘甜。店員亦表示可以自行加水，並以茶筅快速拂打30秒，抹茶味道依然濃郁。夏天飲呢個手打冰點佐賀有機抹茶確實非常清涼！
茶漬飯套餐($138)
包括茶漬飯+是日配菜一款+手工茶凍+是日手沖茶。茶漬飯有三款口味（高菜櫻花蝦/高菜白魚/三文魚碎），揀咗高菜櫻花蝦，茶漬飯味道清淡健康，不過始終呢排天氣翳焗，我哋都係覺得冰凍嘅明太子抹茶蕎麥麵更加清新開胃！茶凍口感Q彈，帶有淡淡茶嘅清香，係唔錯嘅甜品。
是日手沖茶係白牡丹茶，茶味溫和香醇，入口清香，好好飲！店員溫馨提醒飲完之後可以免費加水，內置嘅茶隔亦可清洗後拿回家再用，支持環保。
張貼
